CHAPITRE XVII

Comment Janotus de Bragmardo fut envoyé pour recouvrer de Gargantua les grosses cloches.

Maistre Janotus, tondu à la césarine, vestu de son liripipion à l'antique, et bien antidoté l'estomach de cotignac de four et eau beniste de cave, se transporta au logis de Gargantua, touchant devant soi trois bedeaulx à rouge museau, et trainant après cinq ou six maistres inertes (1) bien crottés à profit de mesnage. À l'entrée les rencontra Ponocrates, et eut frayeur en soi, les voyant ainsi desguisés, et pensoil que fussent quelques masques hors du sens. Puis s'en: questa à quelqu'un des dicts maistres inertes de la bande, que quéroit cette momerie ? Il lui fut respondu qu'ils demandoient les cloches leur estre rendues. Soubdain, ce propos entendu, Ponocrates courut dire les nouvelles à Gargantua, affin qu'il fust prest de la response, et délibérast sus le champ ce qu'esloit de faire. Gargantua, admonesté du cas, appella à part Ponocrates son précepteur, Philotime son maistre d'hostel, Gymnaste son escuyer, et Eudemon : et sommairement conféra avec eulx sus ce qu'estoit tant à faire, que à respondre. Touts furent d'advis qu’on les menast au retraict du goubelet, et là on les feist boire rustrement, et affin que ce tousseux n'entrasl en vaine gloire, pour à sa requeste avoir rendu les cloches, l’on mandast (ce pendent qu'il chopinerait) quérir le prévost de la ville, le recteur de la faculté, le vicaire de l’ecclise : esquels davant que le sophiste eust proposé sa commission, l’on délivreroit les cloches. Après ce, iceulx présents, l’on oyroit sa belle barangue : ce que fut faict. Et les susdicts arrivés, le sopbiste fut en pleine salle introduict, et commenca ainsi que s'ensuit, en toussant (2).