CHAPITRE XX

Comment le sophiste emporta son drap, et comment il eut procès contre les aultres maistres,

Le sophiste n'eut si tost achevé, que Ponocrates et Eudemon s’esclafférent de rire tant profundement, qu'ils en cuidarent rendre l’ame à Dieu, ne plus ne moins que Crassus, voyant un asne couillart qui mangeoit des chardons ; et comme Philemon, voyant un asne qui mangeoit des figues qu'on avoit apprestées pour le disner, mourut de force de rire. Ensemble eulx commença rire maistre Janotus, à qui mieulx à mieulx, tant que les larmes leur venoient ez yeulx, par la véhémente concussion de la substance du cerveau, à laquelle furent exprimées ces humidités lachrymales, et transcoulées jouxte les nerfs optiques. En quoi par eulx estoit Democrite héraclitisant, et Heraclite démocratisant représenté.

Ces ris du tout sédés , consulta Gargantua avecques ses gents sur ce que estoit de faire. Là fut Pono-

crates d'advis qu’on feist reboire ce bel orateur. Et vu.

qu'il leur avoit donné du passetemps, et plus faict rire que n’eust faict Songecreux (4), qu'on lui baïllast les dix pans de saulcices mentionnés en la joyeuse harangue, avecques une paire de chausses, trois cents de gros bois de moule, vingt et cinq muids de vin, un lict à triple couche de plume ansérine , et une escuelle bien capable et profunde : lesquelles disoit estre à sa vieillesse nécessaires. Le tout fut faict ainsi qu’avoit esté délibéré : excepté que Gargantua, doubtant qu'on ne trouvast à l'heure chausses commodes pour ses jambes, doubtant aussi de quelle facon mieulx duiroient audict orateur: ou à la martingale, qui est un pont-levis de cul, pour plus aisément fianter ; ou à la marinière , pour mieulx soulager les rognons; ou à la souisse, pour tenir chaulde la bedondaine; ou à queue de merlus, de paour d’eschauffer les reins : lui feit livrer sept aulnes de drap noir, et trois de blanchet pour la doublure. Le bois fut porté par les gagnedeniers , les maistres és arts portarent les saulcices et escuelle. Maistre Janot voulut porter le drap. Un des dicts maistres, nommé maistre Jousse Bandouille, lui remonstroit que ce n’estoit honueste ni décent à son estat, et qu'il le baïllast à quelqu'un d’entre eulx. « Ha ! dist Janotus, baudet, baudet, tu ne concluds poinct in modo et fiqura. Noïlà de quoi servent les suppositions , et parva logicalia. Pannus gro quo supponit ? — Confuse, dit Bandouille, eé di-

(1) Excellent poète latin de l’époque, que Janotus traite de poète séculier, épithète de dédain que les pédants appliquaient alors à Virgile et à Horace.

(2) Portez-vous bien et applaudissez, conclusion des comédies latines.

(3) Moi Calepin, ai revu cet ouvrage, formule usitée parmi les anciens commentateurs.

(4) Magister noster Songe crusius, auteur de l’almanach facétieux rapporté dans le catalogue de la bibliothèque de Saint-Victor (1527).

stributive. — Je ne te demande pas, dit Janotus, baudet, quomodo supponit, mais pro quo: c'est, baudet, pro tibiis meis. Et pour ce le porterai-je egomet, sicut suppositum portal adpositum » (1). Aïnsi l’emporta en tapinois, comme feit Patelin son drap.

Le bon fut quand le tousseux , glorieusement, en plein acte tenu chez les Mathurins, requist ses chausses et saulcisses : car péremptoirement lui furent déniées, par aultant qu'il les avoit eu de Gargantua, selon les informations sus ce faictes. Il leur remonstra que ce avoit esté de gratis, de sa libéralité : par laquelle ils n’estoient mie absouls de leurs promesses. Ce nonobstant lui fut respondu qu'il se contentast de raison, et que aultre bribe n’en auroit. « Raison ? dist Janotus, nous n’en usons poinct céans. Traistres malheureux, vous ne valez rien. La terre ne porte gents plus meschants que vous estes. Je le sçai bien : ne clochez pas devant les boiteulx. J'ai exercé la meschanceté avecques vous. Par la ratte Dieu, j'advertirai le roi des énormes abus qui sont forgés céans, et par vos mains et menées. Et que je soie ladre, s’il ne vous faict touts vifs brusler comme boulgres, traistres, hérétiques et séducteurs, ennemis de Dieu et de vertus.»

À ces mois, prindrent articles contre lui : lui de l’aulire costé les feit adjourner. Somme, le procès ful retenu par la court : et y est encores. Les magistres, sus ce poinct, feirent vœu de ne soi descroter ; maislre Janot avecques ses adhérents feit vœu de ne se mous-

cher, jusques à ce qu’il en fust dict par arrest difinitif.

Par ces vœux sont jusques à présent demourés et croteux et morveux : car la court n’ha encores bien grabelé toutes les pièces. L’arrest sera donné és prochaines calendes grecques, est à dire, jamais. Comme vous sçavez qu'ils font plus que nature, et contre leurs articles propres. Les articles de Paris chantent que Dieu seul peult faire choses infinies. Nature, rien ne faict immortel : car elle met fin et période à ‘oules choses par elle produictes : car omnia orta caduné, etc. (2).

Mais ces avaleurs de frimars font les procès devant eulx pendents, et infinis, et immortels. Ce que faisants, ont donné lieu et vérifié le dict de Chilon lacédémonian, consacré en Delphes, disant : misère estre compagne de procès, et gents plaidoyants misérables. Car plutost ont fin de leur vie, que de leur droict prétendu.