CHAPITRE XXVII

Comment un moine de Sévillé-sauva le clos de l’abbaye du sac des ennemis,

Tant feirent et tracassarent, pillants et larronnants, qu'ils arrivarent à Sévillé, et destroussarent hommes et femmes, et prindrent ce qu'ils purent : rien ne leur fut ne trop chauld ne trop pesant. Combien que Ja peste y fust par la plus grande part des maisons, ils entroient partout, et ravissoient tout ce qu'estoit dedans, et jamais nul n’en print danger : qui est cas assez merveilleux. Car les curés, vicaires, prescheurs, médicins, chirurgiens et apothécaires. qui alloient visiter, panser, guérir, prescher el admonester les malades, estoient touts morts de l'infection , et ces diables pilleurs et meurtriers onques n’y prindrent mal. D'ond vient cela, messieurs? pensez-y, je vous prie.

Le bourg ainsi pillé, se transportarent en l'abbaye avec horrible tumulte; mais la trouvarent bien resserrée el fermée. D'ond l’armée principale marcha oul-

Ro

tre vers le gué de Vede, exceptés sept enseignes de gents de pied, et deux cents lances qui là restarent, et rompirent les murailles du clos, affin de gaster toute la vendange. Les pauvres diables de moines ne sca- -voient auquel de leurs saincts se vouer. A toutes adventures feirent sonner ad capitulum capitulantes. Là fut décrété qu'ils feroient une belle procession renforcée de beaulx preschants contra insidias, et beaulx respons pro pace (1). En l’abbaye estoit pour lors un

moine claustrier, nommé frère Jean des Entommeu-

res (2), jeune, galant, frisque, dehait, bien à dextre, hardi, adventureux , délibéré, hault, maigre, bien fendu de gueule, bien advantagé en nez, beau despescheur d'heures, beau desbrideur de messes, beau descroteur de vigiles : pour tout dire sommairement, vrai moine si onques en fut depuis que le monde moinant moina de moinerie; au resle, clerc jusques és dents en matière de bréviaire. Icellui, entendant le bruit que faisoient les ennemis par le clos de leur vigne , sortit hors pour veoir ce qu'ils faisoient. Et advisant qu'ils vendangeoient leur clos auquel estoit leur boite de tout l’an fondée, retourne au chœur de l'ecclise, où étoient les aultres moines tous estonnés comme fondeurs de cloches, lesquels voyant chanter, 2m, im, pe, e,e,e,e,e, tum, um, în,i, ni, i, Mi, CO, 0, 0, 0, 0, 0, rum, um (3), « C’est, dit-il, bien chié chanté. Vertus Dieu, que ne chantez-vous : Adieu paniers, vendanges sont faictes ? Je me donne au diable, s'ils ne sont en nostre clos, et tant bien coupent et seps et raisins, qu’il n’y aura par le corps Dieu de quatre années que halleboter dedans Ventre sainet Jacques ! que boirons nous rependant, nous aultres pauvres diables ? Seigneur Dieu, da mihi potum, »

Lors dist le prieur claustral : « Que fera cest ivrogne ici ? Qu'on me le meine en prison : troubler ainsi le service divin ? — Mais, dist le moine, le service du vin : faisons tant qu'il ne soit troublé, car vous-mesme, monsieur le prieur, aimez boire du meilleur : si faict tout homme de bien. Jamais homme noble ne haït le bôn vin ; c’estun apophthegme monachal. Mais ces respons que chantez ici ne sont par Dieu poincet de saison. Pourquoi sont nos heures en temps de moissons et vendanges courtes, el en l’avent et tout hyver longues ?

« Feu de bonne mémoire frère Macé Pelosse, vrai zélateur (ou je me donne au diable) de nostre religion, me dist, il m'en soubvient, que la raison estoit affin qu’en cette saison nous facions bien serrer et faire le vin, et qu'en hyver nous le humions. Escoutez, messieurs, vous aultres, qui aimez le vin , le corps Dieu si me suivez : Car hardiment, que sainet Antoine m'arde , si ceulx tastent du piot qui n'auront sécouru la vigne. Ventre Dieu, les biens de l'ecclise ? Ha non, non. Diable, sainct Thomas l’anglois (4) voulut bien pour iceulx mourir : si j'y mourois ne serois-je sainct de mesme ? Je n’y mourrai ja pourtant : car c'est moi qui le fai és aultres. »

Ce disant mist bas son grand habit : et se saisit du baston de la croix, qui estoit de cœur de cormier, long comme une lance, rond à plein poing, et quelque peu semé de fleurs de lis toutes presque effacées. Ainsi sortit en beau sayon, mist son froc en escharpe; et de son baston de la croix donna brusquement sus les ennemis , qui sans ordre ne enseigne, ne trompette, ne tabourin, parmi le clos vendangeoient. Car les por-

(1) Au chapitre ceux qui ont voix... Contre lés embüches des enñemis... Pour la paix,

(2) Méuage a cru voir dans ce frère Jean des Entommeures le portrait d’un certain Buinard, prieur de Sermaise dans l’Anjou.

(3} Impelum inimicorum, l'attaque dés ennemis.

(4) Thomas Becquet, archevêque de Cantorbéry, assassiné au pied de l'autel, en 1164,

teguidons et port’enseignes avoient mis leurs guidons et enseignes l'orée des murs ; les tabourineurs avoient défoncé leurs tabourins d’un costé, pour les emplir de raisins ; les trompettes estaient chargées de moussines : chascun estoit desrayé. Il choqua doncques si roidement sus eux, Sans dire gare, qu'il les renversoit comme porcs, frappant à tors et à travers à la vieille escrime. Ez uns escarbouilloit la cervelle, ez aultres rompoit bras et jambes, ez aulires deslochoit les spondyles du col, ez aultres démoloit les reins, avaloit le nez, poschoit les yeulx, fendoit les mandibules, enfoncoit les dents en la gueule, descroulloit les omoplates, sphacéloit les grèves, desgondoit les ischies, débécilloit les focilles. |

Si quelqu'un se vouloit cacher entre les seps plus espais, à icellui froissoit toute l’areste du dos, et l’esrenoit comme un chien.

Si aulcun saulver se vouloit en fuyant, à icellui faisoit voler la testé en pièces par la commissure lambdoïde. Si quelqu'un gravoiken un arbre, pensant y estre en seureté, icellui de son baston empaloit par le fondement.

Si quelqu'un de sa vieille cognoissance lui crioit : «Ha! frère Jean mon ami, frère Jean, je me rends. — ]l t'est, disoit-il, bien force. Mais ensemble tu rendras l'ame à tous les diables. »

Et soubdain lui donnoit dronos. Et si personne tant fut esprins de témérité qu'il lui voulust résister en face, là montroit-il la force de ses muscles, Car il leur transperçoit la poictrine par le médiastin et par le cœur ; à d'aultres donnant sus la faulte des costes, leur subvertissoit l'estomach, étmouroient soubdainement; ez aultres tant fièrement frappoit par le nombril, qu’il leur faisoit sortir les tripes; ez aultres parmi les couillons perçoit le boyau cullier. Croyez quec ’estoit le plus horrible spectacle qu'on vit onques.

Les uns crioient, sainte Barbe; les aultres, sainct George ; les aultres, saincte N'y-touche; les autres, notre Dame de Cunault, de Laurette, de bonnes nouvelles, de la Lenou, de Rivière. Les uns se vouoient à sainct Jacques; les aultres au sainct suaire de Chambery (mais il brusla trois mois après, si bien qu'on n’en put saulver un seul brin); les aultres à Cadouin (1); les aultrés à sainct Jean d'Angely: les aultres à sainct Eutrope de Xaintes, à sainct Mesme de Chinon, à sainct Martin de Candes, à sainct Clouaud de Sinayÿs, és reliques de Jovrezay, et mile aulires petits saincts. Les uns mouroient sans parler; les aultres parloient sans mourir. Les uns se mouroient en parlant; les aultres parloient en mourant. Les aultres criaient à haulte voix : « Confession, Confession, Confiteor, Miserere, In manus ! » Tant fut grand le crides navrés, que le prieur de l'abbaye avec tous ses moines sortirent. Lesquels, quand apperceurent ces pauvres gents ainsi rués parmi la vigne et blessés à mort, en confessarent quelques-uns. Mais ce pendent que les prebstres s’amusoient à confesser, les petits moinetons coururent au lieu où estoit frère Jean, et lui demandarent en quoi il vouloit qu'ils lui aidassent.

A quoi respondit, qu'ils-esgorgelassent ceulx qui es toient portés par terre. Adoncques laissants leurs grandes capes sus une treille, au plus près, commencçarent esgorgeter et achever ceulx qu'avoit desja meurtris. Scavez-vous de quels ferrements? À beaulx gouets, que sont petits demi-cousteaulx, dont les petits enfants de nostre pays cernent les noix. Puis à tout son baston de eroix gagna la bresche qu'avoient faicte les ennemis. Aulcuns des moinetons emportarent les enseignes et guidons en leurs chambres pour en faire des jarretières. Mais quand ceulx qui s’estoient confessés voulurent sortir par icelle bresche, le moine les as-

(1) Cadouin, abbaye du Périgord, où l'on montrait un saint- ‘suaire.

EE Ca:

D — D. er

|| fl

I feit crier par son pays ban et arrièreban, et que un chascun, sus peine de la hart, convinst en armes

en la grand” place du chasteau [page 74).

sommoil de coups, disant : « Ceulx-ci sont confés, et repentants, et ont gagné les pardons:; ils s’en vont en paradis aussi droict comme une faucille, et comme est le chemin de Faye. »

Ainsi par sa prouesse furent desconficts tous ceulx de l'armée qui estoient entrés dedans le clos, jusques au nombre de treze mille six cents vingt et deux, sans les femmes et petits enfants : cela s'entend tousjours. Jamais Maugis ermite ne se porta si vaillamment à tout son bourdon contre les Sarrasins, desquels est escript és gesles des quatre fils Aymon, comme feit le moine à l'encontre des ennemis, avec le baston de la croix.