CHAPITRE XLIX

Comment Picrochole fuyant fut surprins de males fortunes, : et ce que feit Gargantna après la bataille.

Picrochole ainsi desespéré s'enfuit vers l'isle Bou- Chart, et au chemin de Rivière son cheval broncha par terre, à quoi tant fut indigné que de son espée le tua en sa chole, puis ne trouvant personne qui le remontast, voulut prendre un asne du moulin qui là auprès esloit;, mais les meusniers le meurtrirent {out de coups, et le destroussarent de ses habillements, et lui baïllarent pour soi couvrir une meschante sequenie. Ainsi s'en alla le pauvre cholérique, puis passant l'eau au Port-Huaulx, et racomptant ses males fortunes, fut advisé par une vieille lourpidon, que son royaulme lui seroit rendu à la venue des Cocquecigrues : depuis ne s£ait-on qu'il est devenu. Toutesfois l'on m'ha diet qu'il est de présent pauvre gagnedenier à Lyon, cholère comme devant. Et tousjours se guermente à tous estrangers de la venue des Cocquecigrues, espérant certainement, selon la prophétie de la vieille, estre à leur venue réintégré à son royaulme.

Après leur retraicte, Gargantua recensa ses gents, et trouva que peu d'iceulx estoient péris en Ja bataille, sçavoir est quelques gents de pied de la bande du capitaine Tolmere, et Ponocrates qui avoit un coup de harquebuse en son pourpoinct. Puis les feit refraischir chascun par sa bande, et commanda és thrésoriers que ce repas leur fust défrayé et payé, et que l’on ne feist oultrage quelconque en la ville, vu qu'elle estoit sienne ; et après leur repast ils comparussent en la place devant le chasteau, et là seroient payés pour six mois. Ce que fut faict : puis feit convenir devant soi en ladicte place touts ceulx qui là restoient de la part de Picrochole, esquels, présents touls ses princes et capitaines, parla comme s'ensuit.