SUPPLICE DES SPENCER

min de Londres; car les bonnes gens de la cité le volloient veoir. Sy s'en allèrent celle part à grant pooir et à grant arroy, et faisoit enmener avoec elle monsigneur Hue le Despensier monté sur le plus povre et maigre cheval de tout l'ost , affublé d'un mantel tout semé de cloquettes qui sonnoient , et quant il passoit parray quelque ville que ce fust, on sonnoit pardevaut luy grant foison de trompettes , affin que il fust mieus veus et congneus. Ensy cheminèrentil tant que il aprochèrent Londres et vinrent à une cité que on apelle Harfort. Là s'arestèrent , et eult consail la roynne que ledit messire Hues seroit là justichiés et que on ne le menroit plus avant.

En le cité de Harfort tint sa feste de laToussain madame la royne d'Engleterre , et là furent grant foison de chevaliers et d'escuyers du pays , tant pour veoir monsigneur Jehan de Haynaut , qui estoit chief et avoit esté de ceste emprise , que pour estre à le justice de messire Hue le Despensier. Tantost après le feste , messires Hues le Despensier fut amené devant madame la roynne et les barons qui là estoient asamblés pour ce fait mesmes. Là ly furent leut et recordet tous ses faits par escript, et tous les oït lire, et oncques ne dist riens à l'encontre , syque là endroit il fu jugiés par les barons et chevaliers de mourir en telle manière comme vous orés. Premièrement il fu traynés sur ung bahut à trompes et à naquaires par toute la cité de Harfort , de rue en rue , et puis fu amenés en une grande plache en la ville , là où tout le peuple estoit assamblés. Là endroit fut-il loyés hault sur une esquielle , syque chascun petit et grant le povoient veoir ; et avoiton fait en ladite plache ung grant feu. Quant il fu ensy loyés, on lui coppa tout premièrement le \ît et les génitoircs , pour tant que il estoit hérittes et sodoraittes , ens}' que on disoit meismement du roy, et pour che avoit le roy