SIÈGE DE BRISTOL
droient , sauf leurs corps et leurs biens. La royne et son consail ne se veurent mie à ce acorder , se il ne pooient faire dudit messire Hue et du conte d'Arondel leur vollentê. Les ambassadeurs retournèrent en la ville et recordèrent as bourgois che que il avoient trouvé. Les bourgois regardèrent que il valloit mieus que deus hommes raorussent, que sy bonne ville que Bristo fust perdue , et tout chil mort, qui dedens estoient. Sy ouvrirent leurs portes contre leur dame par composition telle que on ne doit à nuUuy riens fourfaire fors à ces deus. On leur tint moult bien che que on leur promist. Et furent pris en leur ostel le conte d'Arondel et messires Hues le Despensier le viel, qui estoit bien de aige de quatre-vingts à quatre-vingt-dix ans, et nourissoit et gardoit les enfans du roy Jehans d'Eltem , et les deux fillettes qui furent amenées à madame leur mère , qui en ot grant joie quant elle les tint. Sy firent aségier le castel par dedens la ville de Bristo, où le roy et messire Hue le Despensier estoit , qui n'estoient mie à leur aise , quant il se virent ensy enclos entre leurs ennemis, et se ne atendoient point de secours de nul costé.
Quant che vint à l'endemain que le chastel de Bristo fut aségié , madame la royne fist amener par devant luy messire Hues le Despensier et le conte de Arondel, et là parla monsigneur Thomas Waghe , mareschal de l'ost. Adont fist lire et compter tous leurs fourfais, et furent jugiet à mourir par le jugement des plus anchiens et sages chevaliers de l'ost, et furent amené par devant le chastel. Là leur fist-on trenchier les testes, veant le rov et messire Hue le fil , se veoir le volloient, qui là dedens estoient en grant angoisse de cuer , che poés bien croire. Après ceste
SUPPLICE DES SPENCEU. lï
justiche faitte, on aséga encore le chastel de plus près , sans assaillir ; car bien savoient ly chevaliers qui là estoient, que de force il ne seroit point pris. Quant le roy et messires Hues le Despensier virent que c'estoit à certes ou que estre pris ou affamés là dedens les convenoit , sy se advisèrent que de nuit il se metroient en ung batiel de peskeur et s'en iroient par mer waucrant: tantost seront eslongiet et arivé en Galles. Ensy, comment il le pourpensoient, il le firent, et se mirent de nuit, entre auls deus tant seuUement, tout secrètement, en ung petit batiel, et se cuidèrent eslongier ; mais Dieu ne le volt mie consentir. Car quant ils voUoient aler avant , le vent les retournoit et reboutoit devant Bristo , et furent en cheluy estât quatre jours , dont cens de l'ost avoient grant amiration et n'euissent jamais supposé que che fust le roy, ne messires Hues le Despensier. En la fin , messire Henry , fils au visconte de Biaulmont , entra en une barge , et sy fist naigier jusques au batiel luy douzième d'archiers, et les raconsiévy as rives et les prist et les ramena en l'ost , et en fist présent à madame la roy ne et à monsigneur Jehan de Haynau , qui en orent grant joie et qui dyrent tantost : « Vechy nostre « guerre afinée ». Sy fust pris et mis en prison le dit messire Hues , et le roy d'Engleterre fut délivrés au seigneur de Bercler , et luy fust bailliés sur la teste que il le gardast bien et le tenist tout ayse de boire et de mengier , tant qu'il viveroit. Car bien savoient ly barons du pays que tout che que il avoit fait , c'estoit par l'ennort et consail de messire Hue le Despensier. Le sire de Bercler atout grant armée eumena le roy d'Engleterre avoecq lui en son chastel de Bercler sur le rivière de Saverne et là le tint et garda, ensy que commandé et ordonné luy fu.
A i'endemain , quant la royne ot pris la saisine et possession du chastel de Bristo , elle se party et prist le che-
