DE CRÉCY

le grant meschief qui leur aparoit, et se n'y pooient mettre remède, dont il avoit telle angoisse au cuer que ne povoit parler. Delés luy estoit messire Jehan de Haynau, raessire Charles de Memorensy, le sire de Saint- Venant, le conte d'Auraarle, le sire de Suly, le sire de Bieaugeu et grant foison de bons chevaliers. De l'autre costé avoient asamblé as ennemis le conte d'Alenchon et le conte de Blois ses nepveus. Un petit plus en sus estoient le duc de Lorainne, eti'évesque de Mes, et asés près de lui le conte de Saint-Pol et le conte de Harcoart, et sy grant foison de contes et de barons et de chevaliers y avoit que raervelle seroit à recorder, ne il ne po voient aler avant ly uns pour l'autre, et sy avoient le solel en l'eul, qui moult les grevoit ; car il ne povoient aviser sur les Englès, mais les Englès assenoient bien les Franchois. Ensy et par telle manière commencha la bataille che samedy au soir entre les Franchois et les Englès asés près de la ville de Créchy en Pontieu.

Le vaillant roy de Behaigne qui s'apelloit messire Caries de Luxembourc (car il avoit esté fils de l'empereur Henry de Luxembourc), entendy par ses gens que la bataille estoit jà commenchie ; car, comment que il fust [parmy] les gens d'armes, il ne veoit goûte, car il estoit aveugles. Sy demanda as chevaliers qui là estoient, comment l'ordenanche de leur gens se portoit. Cheulx ly recordèrent la vérité et luy dirent : « Monseigneur, ensy et ensy, et tout « prumièrement les Genevois furent desconfîs, et y a tel « touail entre eulx et no gens que nul ne puelt passer « avant , et nous samble que on a commandé de eulx « tuer. » — « Ha! dist le vaillant roy, nous serons descon- « fis. Alons, alons d'autre part sur elle. » — « Je vous « prie , dist-il à ses gens , que vous me menés sy avant « que je puisse férir ung cop d'espée. » Lors se recuellèrent ses gens et se mirent tout ensamble et par bonne compai-