XVII. — FROISSART. Il
JîATAlLI.K
gnie, et pour che que il ne voUoient pas perdre leur maistre et leur seigneur qui tant de biens leur avoit fait, et ossy que il estoit tart, car il commenchoit aprocliier le vespre, il loyèrent leur frain et leur brides de leur chevaulx tout ensamble, et mirent le bon roy delés eulx, le Moine de Basele, che vaillans chevalier, à son costé. Ensy s'en al!èrent-il à l'eure, et il se conibatirent et requirent leurs ennemis.
Che jour portoit le souveraine ensaigne du roy de Franche messire Mille de Noyers, ung chevalier de Bourgougne, vaillant hommes d'armes, mais il ala si avant que luy et la banière demorèrent. Il ne fut pas seul, car tantmaint de bons et vaillans chevaliers y demorèrent à petit de fait. Le sire de Meraorensy retourna , mais messire Henry d'Uphalize, qui estoit à son frain, prist la banière du dessus dit seigneur et l'ala porter entre les Englès et là morut, et fu la banière jetée par terre.
Vous devés savoir que le roy Phelippes avoit grant angoisse au cuer, quant il veoit ses gens ensy desconfis et fondre l'un sur l'autre , et se n'y povoit remédier. Sy en demanda consail à messire Jehan de Haynau qui luy respondy et dist : « Certes, sires, c'est tart que vous voilés « estre consilliés. On ne voult huy matin croire cheluy qui c( en parla moult à point, dont che fu outraige. Le plus « grant proufit, ch'est que vous vo retraiés tout belle- « ment et fachiés retraire vostre gens. Il sera tantost u toute nuit. Les Englès ne vous poront siévir, et espoir « de matin porés-vous bien avoir recouvranche. » Le roy entendy bien à che que messire Jehan avoit dit, mais il ne sonna mot et chevaucha encore avant contre ses ennemis, et lors regarda-il derière luy ; sy se vit moult esseulés. De che fut-il moult esinervilliés. Adont le tirèrent arière par le frain cheulx qui delés luy estoient, et ly dirent : « Ha !
HK C.KÉr.Y. ^11
« sire, quelle chose aves-vous enpensé de faire ? Vous « volés-vous ensy perdre sans raison ? » Sy me fu dit qu'il enmenèrent le roy eulx quatre qui là estoient , qui bien veoient le péril, dont inessire Jehan de Haynau estoit li uns, car aultrement il enist esté mors ou pris ; car, de grant air qui lo sourinontoit, il se voUoit aller perdre et entrer en la bataille tart à la nuit.
Ceste bataille, qui fn le samedi entre la Broie et Créchy, fut raoult felonnense et très-hori'ible, et y avinrent pluiseurs grant fais d'armes, qui tout ne vinrent mie à connoissance; car quant elle commencha, il estoit raoult tart. Che greva plus les Franchois qu'aultre chose , et pluiseurs gens d'armes, chevaliers et escuiers, perdoient leur seigneur. Sy aloient à l'aventure moult périlleusement, car quant il cuidoient estre entre leurs amis, il estoient entre leurs ennemis ; sy estoient mal ostelés, car nul ne estoit pris à merchy, et proprement le roy d'Engleterre avoit ordonné que on n'entendesist à prendre personne, et n'en y eult mie, que che soir, que l'eudemain, douze.
Oncques le roy d'Engleterre ne dessendy che soir, pour la bataille qui fut, de la mote du molin à vent, ne toute se bataille ; mais fist le prinche et se bataille et la seconde bataille sur elle qui le vint conforter, che samedy toute la besoigne. Il me fut dit que on envoya au roy aucun des chevaliers du prinche, asquels le roy l'avoit rechergiet, qui doubtèrent le péril, car il fu bien telle heure que leur bataille trambla pour le grant peuple et les bons chevaliers qui là sourvenoient combatre ', et fut dit au roy et as chevaliers: « Sires, dessendés[o]vostrebataille.Syvenés conforter « vostre fils, car il a assés à faire. » Adont respondy le roy ; « Mon fils le prinche est- il sy menés ou sy navrés
' Il faut lire : « (jui là sotirvonoient pour coinhati-e : » on pliitùt : i* <jiit^ lit convonoif (^nniliatrp »
Oj^ BATAILLE
« que ne se puist aydier ? » — « Nanil, sire, clie disrent ,, ceulx, mais il a assés à faire. « — « Retournés, dist le « roy, et ne me venés hui quérir, pour aventure que il vous « adviègne tant qu'il vive, et me laissiés Tenfant gaignier (i ses espourons. La journée est sienne : sy voel que tout « luy demeure. « Cheulx retournèrent et recordèrent au baron deStanfort, à messire Renault de Gobehera, àmessire Jame d'Audlet, au conte de Wervich, â messire Jehan Candos et à monseigneur Goddefroy de Harcourt tout ensy que le roy avoit respondu. Ces paroUes du roy encoraigèrent tellement les chevaliers que bien le monstrèrent depuis ; car il se combatirent sy vaillaument et dirent : « Avant! « Avant ! il ni a aultre chose que de bien combatre. <( Dieu nous ayde et saint Gorge ! »
On doit bien croire et soupposer que là où il y avoit tant de vaillans hommes et sy grant multitude de peuple et où tant et telle fuison de la partie des Franchois demorèrent sur la plache , que il y [ot] fait che jour pluiseurs grans fais d'armes qui ne vinrent mie tout à congnoissanche. Il est bien vérité que messire Goddefroy de Harcourt qui estoit delés le prinche et en sa bataille , eult voUentiers mis paine que le conte de Harcourt son frère fust sauvés ou pris à ranchon ou aultrement , mais oncques che soir il n'en peult avoir nouvelles. Sy ne fuy mie le conte , mais se combaty bien et vaillaument as Englès entre ses gens et desoubs sa banière , et y demora mors sur la plache , et pluiseurs de sa route delés luy. Le conte d'Alenchon, frères au roy de Franche, et le conte de Flandres se combatoient de grant volenté , et chascun soubs sa banière entre ses gens, et y tirent grant fais d'armes. Toutesfois il y demorèrent mort sur la plache : ossy fist le conte de Blois , nepveu au roy de Franche et au conte d'Alenchon. Messire Charles de Behaigne qui
