TRAVERS!-: LA FRANCK

requeste , ne prière que le duc son fils en fesist, mais respondy que il le feroit mettre à mort et qu'il le tenoit pour trop son grant ennemis. Dont respondy le duc que, se il ne faisoit ensy que il luy avoit requis , il fuist certain que jamais il ne s'arraeroit contre le roy d'Engleterre , ne tous cheulx que destourner pouroit , et eult adont entre le roy de Franche et le duc de Normendie grosses parolles , et s'en party le duc par maltalent , et dist le duc au partir que jamais à l'ostel du roy il n'y entreroit , tant que messire Gautier seroit en prison. Ensy demoura ceste chose ung grant tamps, etpourchassoit ledit messire Gautierung sien cousin de Haynau et de Cambrésis, qui s'apelloit messire Mansart d'Esne. Chils en ot moult de paine pour aller et pour venir devers le duc.

En la fin le roy fu consilliés qu'il délivreroit ledit chevalier de prison, et luy fîst païer tous ses frès , et le volt veoir, et disna messire Gautier de Mauny en l'ostel du roy à sa pryère , et luy donna le roy de moult bieaus dons et des joyaux d|or et d'argent qui bien valloient mille florins ; mais j'entendy que , quant messire Gautier l'en eut remerchiet , il les prist à condition que , se le roy englès , ses sires , li acordoit à prendre, il les retenroit, aultrement il les renvoiroit , et sur cel estât assés amiablement il se party du roy de France et dou duc de Normendie , et chevauça tant qu'il vint devant Calais , où il fut moult conjoy du roy englès et de tous les seigneurs , et auquel roy il recorda toutes ses aventures et des présens osy que le roy luy avoit présenté et sur quel estât il les avoit receus. Sy ne plot mie au roy d'Engleterre qu'il les retenist. Sy les renvoia ledit messire Gautier de Mauny par son cousin messire Mansart d'Esne , en luy escusant et le roy de Franche remercliiant. Quant le roy de Franche vit les présens raportés arière , et il eult oyt

le chevalier, il s'en contenta assés , et dist à messire Mansart d'Esne : « Nous les vous donnons. » Ly chevaliers les retint et en merchia le roy grandement : che fu bien raison, Ensy eult-il les bieaus dons en son proufit , dont il en fu lies.

Vous avés bien entendu comment le conte Henry d'Erby se tenoit en la cité de Bourdiaulx en che tamps que le duc de Normendie et les seigneurs de Franche séoient devant Aguillon , et confortoit.ses gens qui estoient en Aguillon et en ses aultres garnisons , de vivres et d'aultres prouvéanches du mieulx qu'il pooit et qu'il sçavoit. Sytost qu'il entendy que le duc de Normendie et ces seigneurs de Franche avoient laissiet le siège devant Aguillon et s'en raloient en Franche , il prist le signeur de Labreth, le sire de Lesparre, le sire de Muchident , le signeur de Caumont , le signeur de Pumiers, le signeur de Condon, le signeur de Tarse et pluiseurs aultres chevaliers gascons et englès du païs bourdeîois , tant qu'il fut bien XJP hommes d'armes et II"" archiers et III'" piétons , et passa la rivière de Gironde desous Blaves, et puis chevaucha tant qu'il vint à Taillebourcq et le conquist, puis entra ens ou païs de Poitou , et conquist la bonne ville deMessières, et après conquist Surgières et Ausnay et puis Mirabel et puis Mortaigne-sur-la-mer, et partout estoit pris et robe quanqu'il trouvoient ens villes et autre part sans déport et sans merchy, et ars et exillet tous cheaulx qui ne se rendoient de première venue. Après le conte d'Erby et se route s'en vinrent devant Saint-Jehanl'Angély. Sy aségèrent ladite ville et l'assallirent par rois jours , mais les bourgois de la ville qui doubtèrent à perdre vie et avoir et femmes et enfans , s'il estoient

s'empare de POITIERS. 225

conquis par forche, eurent conseil qu'il se rendroient, sauve [leur] corps et leur avoir et femmes et enfans , ensy qu'il firent, dont le conte d'Erby eut grant joie, et les rechut en telle manière , puis entra en la cité à grant joie et y raist gardes de par le roy d'Engleterre. Ossy fist-il par toutes les fortresses et les villes fremées qu'il conquéroit. Puis se party le conte d'Erby de Saint-Jehan et se trait par devers Niorch , une très-forte ville et moult bien fremée ; mais il ne la pot avoir pour asault qu'il y fist, tant fut bien gardée et defFendue de bonnes gens d'armes qui dedeus estoient, dont messire Guichart d'Angle et aultres chevaliers estoient souverains. Sy laissèrent les Englès Niorch, quant il virent qu'il perdoient leur paine. Sy s'en allèrent par devers la chité de Poitiers ; mais, anchois que il y vinrent, il conquirent le bon bourcq de Saint- Maximien, et furent ocis grant partie des bonnes gens de la ville. Après il s'en ala par devers Luzegnen. Sy prirent la ville , car les bourgois se rendirent par acord et se racatèrent pour une somme de florins ; mais au chastiel n'approchèrent-il point , car il est trop fort, car ils eussent perdu leur paine à l'asallir. Puis s'en vint à Baione ; mais il n'i firent point de damaige , car les bourgois et les hommes de la ville se composèrent audit conte. Après les Englès s'en alèrent par devers Monstreau-Bonnin, là oîi on forgoit grant foison de monnoie de par le roy de Franche : sy pensoient les Englès de y trouver grant finanche.

Monstreul-Bonin est un bieau castieau et fors, et y avoit adont bien iF monnoiers qui là ouvroient de par le roy. Quant il sentirent les Englès venir, il dirent que il se deffendroient trop bien et garderoient la fortresse. Les Englès vinrent par devant et assallirent le castel assës radement, et cil du castel se deffendirent assés faiblement et tant

XVll. — FROISSART. 15

que par leur faible et niche deffense il perdirent le castel de Monstreau-Bonnin, et y furent tous mors ou prins, et y fu la ville et le castiel tout pilliet et robe. Et puis se partirent les Englès et s'en allèrent par devers la bonne chité de Poitiers qui est moult grande et moult esparse, et le assëgèrent et assallirent radement de première venue, mais chil qui estoient dedens, se deffendirent sy bien que il n'y firent riens à celle prumière venue ; puis s'en alèrent reposer à leur logis, et avisèrent et ymaginèrent entre yaulx comment il poroient le mieulx esploitier. A l'endemain il assallirent d'autre part, là où elle n'estoit mie sy forte, et sy n'avoit mie dedens tant de gens d'armes que pour le defFendre en tous les lieus où on l'asalloit, car elle est grande et esparse mallement. Sy fu adont la cité de Poitiers gaignie par forclie, et i ot plus de VI,. hommes tués, bouchiers et aultres gens de mestier, et toute la chité courue et robée, et maisons brysies et églises, et femmes et pucelles violées, dont che fut grant pité, mais en fait de guerre n'y a nul remède, ne point de merchy. Et sachiés que le conte d'Erby fu durement courouchiés des violenches que on y fîst, mais amender ne pooit jusques au pardarrain. Sy se tinrent les Englès là quinze jours, et y conquirent grant avoir et ou pais d'environ ; car tous les jours il couroient jusques au Castel-Eraut et jusques àChauvegni , pillant et robant villes et villaiges, et tout che qu'il trouvoient, [il le raportoient avecques yaulx], et revenoient au soir dedens la chité de Poitiers.

Quant les Englès se deurent partir de Poitiers, il regardèrent que elle n'estoit point tenable pour yaulx et que elle estoit trop avant ou païs. Sy le laissèrent toute vaghe, mais il enportèrent tout ce que porter en povoient, et se trairent devers Saint-Jehan-l'Angéli, et tant chevauchèrent par leur journées qu'il y vinrent sy chergiet d'or et d'ar-

s EMPARE DE POITIERS.

gent qu'il ne faisoient oonte de blanche raonnoie. Quant le conte d'Erby et toute sa route fut revenue à Saint-Jehan, on les rechut à grant joie, le plus par forche et le mains par amour. Le conte d'Erby qui estoit larges et courtois et qui se voUoit aquiter des bourgois et des bourgoises de la ville, quant il y fu revenu, donna à tous grans dons et grans joieaulx, là où il sentoit et veoit qu'il estoit emploiet, et tant qu'il conquist grant grâce ; et quant il eut séjourné en la ville de Saint-Jehan environ quinze jours, et il eut ordonné et entendu as besoignes de la ville, il s'en party, mais il laissa bien IF Englès par les fortresses qu'il avoit conquis, et ung chevalier à cappitaine, que on clamoit raessire Richart de Hebedon. Puis s'en party et s'en revint par devers Bourdieaulx, et fist tant par ses journées que il vint à Bourdieaulx en la ville, et adont donna congiet à tous ses gens d'armes gascons et bidault, et se ordonna assés tos après pour aller devant Calais au siège que le roy d'Engleterre y tenoit ; car il avoit grant désir de luy veoir. Or vous lairons à parler de luy et vous parlerons du roy David d'Escoche.

Je me suis longement tenu de parler du roy David d'Escoche, mais à tant qu'à ores je n'ay eu nulle cause de recorder ent ; car, sicomme chi desus est compté des trièves qu'il prist à durer trois ans, elle se tint bien gracieusement et ne fut enfrainte, ne brisie de l'un des lés, ne de l'autre.

Or avint, entreus que le roy englès ot aségié Calais, que ceste triève estoit jà passée et acomplie. Adont le roy d'Escoche qui sentoit le roy englès hors " de son païs et le royalme d'Engleterre wit de gens d'armes (car tout ou en partie estoient avecque le roy devant Calais ou avecque le