INVASION DES ÉCOSSAIS

conte d'Erby en Gascongne), sy s'avisa le roy d'Escoche par l'enhort de ses hommes qu'il feroit une grant armée pour aler en Engleterre et ardoir et exillier tout le pais sy avant qu'il pouroit chevauchier en Engleterre, et feroit le roy englès rompre son siège de devant Calais ; car ossy il en estoit durement priés et requis du roy de Franche, à qui il avoit grant alianches et grant faveur d'amour. Se fist ledit roy son espécial mandement et une grant asamblée à estre à le Saint-Jehan ensiévant tous à celle assamblée, et y furent cil signeur que je nommeray, premiers le conte Patris, le conte de Moret, le conte de Douglas, messire Archebaus Duglas, ses cousins, messire James Douglas, leur oncle, le conte d'Orquenay, le conte d'Astreverne, le conte de Rose, le conte de Fy, le conte de Surlant, le conte de Bosquem, messire Robert de Versy, messire Simon Fresiel, Alexandre de Ramesay, tant qu'il furent bien II"" lances et XVII" hommes sur haghenées ; car toutes les basses gens d'Escoche ont haghenées, quant il vont en l'ost. Sy se partirent de Saint-Jehan-Ston et s'en vinrent vers Handebourcq en grant conroy, et se loga le roy d'Escoche en Handebourcq trois jours pour atendre ses gens qui tondis venoient, et l'ost des Escochois ne seult onques si secrètement faire que la bonne royne d'Engleterre, qui se tenoit adont en Nothingen, ne le sceust ; car tousjours avoit-elle ses espies sur les marches d'Escoche, et en estoit moult soigneuse, pour tant que ly rois ses sires n'estoit mie oupaïs.

Quant la roine entendy que ly ^scos estoient assemblés pour entrer ou païs , elle se party hastiveraent de Nothingen et s'en vint devers le Neuf-Castel-sur-Thin , et envoia par tout le païs de Northonbreland et par toute le province d'Iorc et de Cantorbie as chevaliers et as escuiers qui demoré estoient en Engleterre, as êvesques et as abbés, à