LE ROI D ECOSSE PRISONNIER

des Escochois : le conte de Boskehem , !e conte Patris , l'évesque de Bredane , le conte de Fy , le sire d'Orpe et Alexandre de Ramesay qui portoit la banière du roy d'Escoche. Et y fu le roy pris et fort navrés ou corps et ou chief dont il parut tant qu'il vesquy , et le prist ung hardy escuiers englès Jehan de Copelant qui mist grant paine à le garder ; car les Englès le volloient tuer entre ses mains. Et osy y furent pris le conte de Moret et le conte de Surlant et pluiseurs aultres chevaliers et escuiers d'Escoche , et durement navrés le conte d'Orbenay et messire Guillame Duglas , mais il se sauvèrent < r pluiseurs aultres par leurs chevaulx qui estoient delès yaulx. Ossy les Englès ne cachèrent point , car il n'c^toient que ung petit de gens, et pour ce que la bataille avoit longement duret , il estoient tant lassés et foules : sy se tinrent par l'ordonnance de leurs seigneurs tout quoy.

Quant ceste bataille fu p;i.ssèe, qui fu l'an de grâce mil IIIc XLVI le mardy après la Saint-Michiel, Jehan de Copelant, che vaillant escuier qui avoit pris le roy d'Escoche , appella des escuiers èsquelx il se fioit le plus, qui se tenoient pour ses compaignons, et fist le roy David son prisonnier monter sur ung pallefroy et l'enmena secrètement hors de l'armée , et puis chevauça fort et fîst tant que il vint en ung sien castel que on apelloit le Castiel-Orguillous, qui siet sur la rivière de Tin à vingt-cinq lieues du Neuf-Castiel, où la bataille avoit esté, et le mist laiens et dist qu'il ne le renderoit au roy ou à la royne, puisque Dieu lui avoit envoie, jusques adont qu'il oroit parler aultrement.

Quant la royne d'Engleterre, qui se tenoit dedens le Neuf- Castiel, oït ces nouvelles que ses gens avoient desconfi les