DE JEAN DE COPELAND
Escochois et pris leur propre roy, se elle fu joieuse, che ne fait pas à demander. Elle ne se peut tenir que tantost elle ne monta à cheval, et^s'en vint de celle part où la bataille avoit esté. Sy trouva ses gens qui gardoient la plache, sycomme usaige est. Sy s'en ala devers les prélas et les quatre banerès qui là estoient , qui la rechurent liement et s'enclinèrent humblement, et elle qui moult estoit saigeet honnourable, les remerchia grandement de la bonne diligense qu'il avoient mis au defFendre et garder le pais.
Celle mesme nuit la royne demoura avec yaulx sur le camp, et l'endemain montèrent-il tous à cheval, et^s'en vinrent avecque leur dame à Neuf-Chastel. L'évesque de Durem qui pris avoit le conte de Moret, le présenta à la royne, et chascuns ensy son prisonnier. La dame leur en seut bon gré ; mais Jehan de Copelant ne [le fist point (et de ce ne] se contenta-elle pas bien ^), qui le roy d'Escoche otpris et l'a enmené sans ly en faire présent. Adont fist la royne monter deux de ses chevaliers à cheval et aller devers ledit Jehan, lesquels raportèrent que elle fust toute aseure du roy d'Escoche, car il le tenoit en bonne prison, et que à homme, ne à femme il ne le déliveroit fors au roy d'Engleterre son seigneur.
De ces parolles s'apaisa la bonne dame, et fist tantost lettres escripre en luy recommandant au roy son seigneur, en luy segnifiant la besoigne et l'aventure ensy que portée [se] estoit, et donna congiet à toutes ses gens, et renvoia monseigneur Edouart de Bailleul en Bervich et les aultres seigneurs, le signeur de Persy, celui de Noefville , le sire de Moubray, et lour pria que il fussent bon gardien du pais de Northonbrelant, et il luy eurent en convenent.
Adont se party la royne d'Engleterre, et s'en revint
' Il faut lire ; (c ne se contenta pas bien ?> ou « ne contenta-elle pas bien.
234 LE ROI d'Ecosse prisotinier
devers Londres, et enmena le conte de Moret et le conte de Surlaiit ses prisonniers, et laissa les compaignons joïr du remenant.
Quant ces nouvelles furent venues au siège de Calais et que le roy d'Engleterre le sceut , sy fu lies et joieulx , che ne fait mie à demander ; car le roy d'Escoche estoit celuy de ses ennemis que il doubtoit le plus. Sy fîst as iiiessagiers moult grant feste, et manda tous les barons qu'il avoit adout en son ost , et leur recorda ches nouvelles. Sy furent moult joyans ly uns et les autres , et en regracièrent Dieu quant sy belle aventure avoient eue la royne leur dame et ses gens. Le roy englès envoia tantost messaigiers et lettres moult affectueuses à che vaillant escuier Jehan de Copelant en lui priant doucement que tantost il volsist venir parler à luy. Quant l'escuier vit les raessagiers et les lettres du roy , sy fu tout consilliës et se ordonna et apparilla au plus tost que il pot, et requerqua son chastel et son prisonnier à ses plus espécial amis, puis se mist à voie et fist tant par ses journées qu'il vint à Douvres et passa la mer, et vint devant Calais en le logeis du roy. Quant le roy le sceut venu , il le fist venir devant luy. Jehan qui estoit bieaulx escuier , fors et drois, saiges et bien avisés, enclina le roy moult humblement , et le roy le prist par la main et ly fîst moult grant feste î
et le regracia moult doucement de l'honneur qu'il luy avoit fait quant il s'estoit si près pris, et mis en sy grant adventure qu'il avoit pris de ses mains le roy d'Escoche son ennemit , par quoy il avoit gardé par se proesce son pais d'ardoir et d'exillier. L'escuier respondy saigement et dist : « Chier sires , sauve la grâce de vous , che ne ,
« feis-je mie par ma proesche, mais Dieu par sa grâce le |
« m'envoia entre mes mains, et je le fis rendre : sy le pris. |i
u Ossy grant grâce pouroit bien faire Dieu â ung povre
