DE JEAN DE COPELAND
ff escuier quant il luy plairoit , comme à ung grand sei- « giieur. » — « Certes, Jehan, dist le roy, vous dites « voir. Sy vous doy moult amer et honnourer , et voel « que vous soies chevalier , et vous donray pour vostre « venue cinq cens livres de terre à l'estrelin et les asséne- « ray au plus près de vostre maison que je pouray , par « tel manière que vous me renderés le roy d'Escoche en « me prison à Londres. Avecques tout ce , vous serés de « mon ostel. » Ly escuiers fut tout lies de ceste promesse et dist : « Sires , je feray volentiers vostre plaisir et « vostre commandement. »
Che parlement passa. Signeurs, barons etchevaliers, chascuns festioit et honnouroit Jehan de Copelant. A l'endemain, il fut [fait] chevalier , et tint le roy une grant court pour l'amour de luy et pour luy plus honnourer, et fu cinq jours tant seullement avoec le roy devant Calais. Au sixiesme, il se party et s'en revint à sa maison, et prist le roy d'Escoche son prisonnier , et l'amena (et bien conduit de gens d'armes) jusques à Londres, et le présenta à la royne d'Engleterre, qui en ot grant joye. Sy le fist la dame mettre en son chastiau à Londres, et le conte de Moret et le conte de Ghines, connestable de France, et le conte de Tanquarville ; et puis s'ordona pour venir devant Calais pour veoir le roy son signeur et le prinche de Galle sen fil.
La royne d'Engleterre se mist en la mer bien acompaignie de gens d'armes et de pourvéanches et garnie de beaulx joyaulx pour donner as chevaliers et à cheulx où emploie seroit. Sy passa la mer en grant péril et en grant aventure, car toudis y avoit robeurs desus la mer, Normans et Genevois, qui faisoient grant destourbier as Englès. Sy ariva la dite royne asés près de Calais trois jours devant le
236 LA REINE d'Angleterre rejoint Edouard m.
Toussains, et fut moult conjoïe du roy et de sen fils et des seigneurs et des chevaliers de l'ost. Sy le prist le roy par la main et l'enraena moult douchement en son palais, et fist savoir qu'il volloit le jour de la Toussains tenir une grant court ouverte pour l'amour de la royne qui là estoit venue. Celle court fut tenue belle et honnourable, car il i ot bien VIP chevaliers et d'autres seigneurs à [sy] grant foison que on ne les povoit à paine servir, qui estoient plus venus pour veoir la royne que aultre cose, et le gentille royne apella ses chevaliers en leur faisant sy bonne chière, et les araisonnoit et festioit si gracieusement que c'estoit ung grant déduit de le regarder. Sy donna adont la bonne royne grant foison de joiaulx à ceulx oii elle les tenoit pour bien enploiet, et demora long temps par delés le roy sen seigneur en grant revel tant que le siège dura, et avoit amené foison de dames et damoiselles. Sy y prendoient les chevaliers et aultres compaignons grant solas et grant déport, quant il leur plaisoit, en toutes bonnes manières, et ly rois les veoit moult volentiers et les honnouroit tant qu'il pooit.
Che siège se tint moult longement devant Calais, et sy avint moult de grandes aventures et de belles proesches d'un costé et d'aultre, par terre et par mer, que je ne pouroie toutes, ne le quatrième part escripre , ne raconter ; car le roy de Franche avoit fait establir sy bonnes gens d'armes et tant par toutes les fortresses qui estoient entour de Calais et tant de Genevois et de Normans qui estoient par mer, que les Englès qui volloient hors issir à cheval et à piet pour aler fourer ou quérir aventure, ne l'avoient pas d'avantaige , mais trouvoient souvent des rencontres durs et fors. Et ossy il y avoit souvent pluiseurs palletis et esçarrouçhes eptour les portes et sus les fossés, dont ne
