SUITE DU SIÈGE DE CALAIS
separtoient sans mort, ne sans navreures. Un jour perdoit li uns, et l'autre jour perdoit l'autre, ensy que on voit souvent avenir en telles besoignes. Ossy le roy d'Engleterre et son consail estudioient nuit et jour à faire engiens et instruraens pour chiaulx de Calais mieulx grever et appresser, et chil de la ville contrepensoient le contraire et faisoient tant à l'encontre que cil engiens n'y faisoient nul domaige, ne riens ne leur grevoit, fors les affamer ; mais nulles prouvéanches ne leur povoient venir fors en larchin et par un maronnier qui estoit mestre et conduiseur de tous les aultres , et avoit à non Marans, qui souvent leur faisoit grant confort par le mer en emblant et dérobant et non aultrement et par soy hardiement aventurer , et se metoit en grant péril et se mist pluiseurs fois, et porta as Englès grant domaige, et tantmaint en fit morir, entrues que le siège dura.
Tout chel yvier demora le roy englès devant Calais atout son host, et y ot maint grant aventures d'une part et d'aultre, et presque chascun jour, et toudis avoit le roy englès grant désir de tenir les Flamens en amour ; car il luy sambloit que par yaulx il povoit plus aise parvenir à son intention. Sy envoioit souvent par devers yaulx grans promesses et leur disoit que , se il povoit parvenir à son entente , il leur renderoit sans doubte Lille et Douay et Biétuue, sique par sifaittes promesses les Flamens s'esmurent en che temps que le roy englès estoit en Normendie, dont il vint à Créchy, et allèrent asségier Biétuue, et estoit leur capitaine messire Oudart de Renty, car il estoit adont banis de Franche, et tinrent ung moult grant siège devant Biétune et moult le constraindirent ; mais il y avoit dedens en garnison de par le roy de Franche quatre bons
238 ALLIANCE d'Edouard m
chevaliers qui bien le gardèrent, messire Jehan de Cargni, messire Eustasse de Ribeumont, messire Bauduin d'Ennekins et messire Jehan de Landas. Et à che dont [ot] en la ville de Biétune pluiseurs assaulx, mais elle fu bien defFendue et sy bien gardée que les Flamens n'y firent riens, ains s'en partirent , quant il eurent ars et gasté le païs tout environ, et s'en râla chascun en son lieu.
Nonobstant che , quant le roy englès fu venus devant Calais, il ne chessa de souvent envoler par devers les communes et bonnes villes de Flandres en renouvelant ses promesses pour entretenir leur amistié et pour abatre l'opinion du roy de Franche qui tiroit à y aulx ossy tenir en amour, et vollentiers euwist le roy d'Engleterre veu que ly jovènes conte de Flandres, qui n'avoit que quinze ans de aige, volsist se fille Ysabel espouser, et tant pourcacha que le commun de Flandres s'y accorda entirement ; car il sambloit au roy que parmy che mariage il s'aideroit des Flamens à se volenté, et il sambloit ossy as Flamens que, s'il avoient les Englès de leur acord, il pouroient bien à Franchois contrester. Mais Lois le jones conte de Flandres qui avoit esté noris entre les royaulx de Franche et encores y demoroit, ne s'y volloit acorder, ains disoit par l'enhort de ceulx qui le gouvernoient, que j'à n'aroit à femme la fille de cheluy qui son père avoit ochis. D'aultre part, le duc Jehan de Brabant pourcachoit adont fort que che jone conte de Flandres volsist prendre sa fille, et ly prometoit que il luy feroit joïr plainement de la conté de Flandres par amour ou aultrement, et faisoit ledit duc entendre au roy de Franche que , se il besoignoit et se besoigne se faisoit , il feroit tant que tous les Flamens seroient de son acort et contraires au roy d'Engleterre, syque, par syfaite intention et telles promesses , le roy Phelippes s'acorda à che mariaige de Brabant, et le duc de
