COMBAT DE LA ROCHE -DERIEN

Je me suis longement tenu de monseigneur Charles de Blois et de le contesse de Monfort ; mais che a esté pour les trièves qui furent prinses devant le chité de Venues , car , les trièves durant , qui bien furent gardées , il ne firent l'un contre l'autre cose qui soit à parler, et jouy messire Charles de Blois assés paisiblement de la Bretagne (che que conquis avoit). Sytost que les trièves furent passées , il commenchèrent à guerrier moult fort. Le roy de Franche confortoit Charles son nepveu, et le roy englès la contesse de Monfort , ensy que promis et en convent il l'avoit. Et estoient en Bretaigne par le roy englès venus deux chevaliers avecque une compaignie de gens d'armes et d'archiers pour résister à rencontre de messire Charles de Blois , qui adont estoit moult fort , desquels chevaliers ly uns estoit messire Thomas d'Agourne et [ly aultres] messire Jehan de Hartecelle, et demourèrent delés la contesse de Monfort en la ville de Hanbon , et avecq yaulx avoit ung chevalier breton bretonnant , durement vaillant^homme, que on apelloit messire Tanguis du Chastiel. Chestuy chevalier faisoit maintes courses sur les terres de messire Charles de Blois, et les gens de messire Charles ausy sur yaulx. Ensy estoit le païs courus et gastés d'une partie et d'autre , et tout comparoieut les povres gens.

Or avint que ung jour avoient chil trois chevaliers asamblé grant foison de gens d'armes à piet et à cheval , et s'en alèrent asségier une bonne ville et grosse et ung moult très-fort chastiel que on appelle le Roche-Deuriant , et le assallirent par pluiseurs fois , et chil de la ville et du chastel se defFendirent -vaillaument, syqu'il n'y perdirent riens. Laiens avoit ung bon chastelain que on clamoit Tassart de Ghines , bon escuier et hardy combatant ; mais tant y eut de meschief que le plus des hommes de la ville estoient mieulx de l'acort de la contesse que de messire

''2ii COMBAT

Charles , et pour che se rendy le chastiel et la ville par traitiet dedens huit jours que le siège fut mis , et en demoura Tassart de Ghines cappitaine comme devant, et y mirent gens d'armes de par la contesse.

Quant raessire Charles de Blois le sceut, il en fut durement courouciés : sy manda tous les seigneurs de sa partie et les Genevois et tous les saudoiers qu'il peult avoir. Sy en y vint tant qu'il furent bien XVP hommes d'armes et XII™ à piet et IIIP chevaliers , dedens lesquels il y avoit vingt-trois bannerès , et ala ledit messire Charles de Blois asségier la Roche-Deuriant (la ville et le chastiel). Quant chil de la ville se virent asségiet , il envolèrent tantost messaigiers à la contesse et à trois chevaliers dessus nommés pour prier que on les venist secourir. La contesse ne le fist mie envis , car honte luy eust esté du laissier , et euvoia messaigiers partout là où elle sentoit ses amis , et fist tant qu'elle ot bien en pau de tamps mille lanches et XV" homme à piet et XV'' archiers. Sy les mist tout en le garde et conduite de ces trois chevaliers dessusdit qui hardiement et vollentiers les rechurent , et leur dist la dame que il ne retournassent point , se la ville et le chastiel n'estoient dességié, et il luy promirent ou il y moroient en la paine. Lors se mirent au chemin et s'en allèrent celle part tant que il peurent , et firent tant qu'il vinrent assés près de l'ost de messire Charles de Blois.

Quant messire Thomas d'Agourne et messire Jehan de Hartechelle et messire Tanguis du Chastiel et ly aultre chevaliers qui là estoientasamblé, furent à deux lieues près de l'ost , il se logèrent sur une rivière celle nuit à l'entention de combatre l'endemain, et quant il furent logiés et mis à repos , messire Thomas H messire Jehan de Hartechelle prirent le moitié de leurs gens et les firent armer et monter à cheval paisiblement, et s'en alèrent devant minuit