DE LA ROCHE- DERIEN

férir en l'ost messire Charles à l'un des costës et y firent grant damaige , et y tuèrent grant foison de gens , et demorèrent tant que toute l'ost fu estourmie et armée, et arestèrent si longement tout combatant que ly est fust tant efforcie qu'il ne se pourent retraire sans grant perte, et furent desconfîs et perdirent grant foison de leurs gens, et y fut pris le dit messire Thomas d'Agourne luy vingtième de bons compaignons et moult navrés, et messire Jehan de Hartecelle se retraist par devers son ost à grant mesquief, et cheulx qui estoient escapés, avecques luy. Quant il furent revenus en l'ost , il comptèrent le meschief qui avenus leur estoit. Droit à chelle heure qu'il revinrent en l'ost, y estoit descendu ung vaillant chevalier atout cent lanches tout nouvellement en leur ayde , et dist , se on le volloit croire , tout l'ost s'armeroit à celle heure et yroient courir sur leurs ennemis. Ledit messire Jehan de Hartecelle et messire Tanguis du Castel s'y acordèrent, et ossy firent tous ly aultres. Lors s'armèrent tous et se mirent à voie de grant vollenté, et firent tant qu'il vinrent en l'ost de messire Charles de Blois environ solleil levant que nulle garde ne s'en donnoient de syfait secours qui leur venoit , ains dormoient et repousoient chascuns , et cuidoient bien avoir desconfis leurs ennemis. Sy furent tous esmervilliés et esbahis en l'ost raonsigneur Charles , quant il virent ces nouvelles gens venir sur yaulx. Nonpourquant il s'armèrent au plus tos que il porent, mais il leur cousta durement et grandement de leurs gens , anchois que il fussent tous armés. Là eut forte bataille , moult dure , et ches Englès et Bretons enduroient grant paine, et y eult maint bieaulx fais d'armes ensy qu'il apparut, car il détinrent la plache, et y demoura mors plus de II-^ chevaliers sans les banerès et III™ hommes de piet, et rescourent messire Thomas d'Agourne et tous

ses compaignons , et prirent messire Charles de Blois et grant foison de nobles et chevalliers avecq luy, et gagnèrent tentes et très (tout chèque amenet avoient). Geste desconfiture afoibly durement le partie de messire Charles de Blois et resvigora cheaulx de la contesse de Monfort. Sy fut messire Charles de Blois envoyés en Engleterre comme prisonniers au roy englès qui en ot grant joie , quant il en oït les nouvelles devant Calais, où il séoit. Geste bataille de Roche-Deuriant fu l'an de grâce mil IIP XLVII le VIP jour du mois de may.

Le roy Phelippe de France , qui sentoit ses bonnes gens de la ville de Calais sy durement constraint et apressés, selonc che que il estoit infourmés , et veoit que le roy englès ne s'en partiroit point se les aroit conquis , sy en estoit durement courouchiés. Sy s'avisa et dist qu'il les volloit conforter et combatre le roy englès et lever le siège se il povoit. Sy commanî'.a par tout son royalme que tous chevaliers et escuiers fussent à la feste de le Pentecouste en le cité d'Amiens ou là près , et chils mandement et commandement du roy de Franche s'estendy par tout son roialme, Sy n'osa nuls laissier qu'il ne venist et fust au jour de la Pentecouste ou tost après, et mesmement le roy de Franche y fut et tint là se court solempnelle audit jour , et moult de princes et de seigneurs delés luy , car le royalme de Franche est sy grant et tant y a de bons chevaliers et d'escuiers qu'il ne puet estre desconfis. Là estoient le duc de Bourgongne, le duc de Bourbon , le conte de Poitiers , le conte de Fois , le duc de Normendie, aisné fils du roy , le conte d'Ermignac, le conte de Savoie, messire Lois de Savoie , ses frères, messire Jehan de Haynau , le conte de Namur , le conte de Forés, le conte

s'avance jusqu'à sangate. 247

daufîn d'Auvergne , le conte de Vendomme et tant de barons et de signeurs que tanisons seroit du recorder. Sy ymaginôit et regardoit le roy comment , ne par quel affaire il pouroit lever le siège des Englès , car bien avoit oït dire qu'il estoient en sy fort lieu que on ne les aroit point à son aise , et de perdre une telle ville que Calais est, il luy venroit à trop grant dur.

Le roy englès entendoit d'aultre part nuit et jour comment il les pouroit le plus grever ; car bien avoit oy dire que ly roy de Franche avoit une grant armée , et sy sentoit la ville de Calais sy forte que pour assault , ne escarmuche qu'il fesist , il ne le pooit conquerre. Le riens au monde qui plus le resconfortoit, quant il y pensoit, c'estoit que il le cuidoit mal prouveu de vivres , siques encores, pour yaulx clore et toUir le pas de la mer, il fist faire ung biel castiel et hault et grant tout de bois et de bons marions sy fort que on ne le povoit grever , et fist ledit castiel asseoir sur la rive de la mer , et le fist bien pourvoir d'espringales et de bombardes et d'autres engiens, et mist et estably dedens LX hommes d'armes et IP archiers , qui gardoient le havre et le port de Calais , et sy près que riens n'y povoit entrer, ne yssir que tout ne fust confondu. Che fut ly avis qui plus fist de contraire à cheulx de Calais et qui plus tost les fist afamer.

Après advint que le roy englès enorta tant les Flamens qu'ils ysireut hors de leur païs, environ le Saint- Jehan-Baptiste, l'an mil IIP XLVII , et vinrent devant Ayre et y mirent le siège. Sy y convint le roy de Franche envoler gens d'armes. Sy envoia à Saint- Omer le duc de Bourbon, le conte daulfin d'Auvergne et messire Charles d'Espaigne, et dedens Aire le conte de Dammartin, le conte de Poursien , messire Gui de Nielle , le sire de Raineval et messire Joffroy de Digon , et ensy en toutes les fortresses

d'Artois mist bonnes gens d'armes pour les garder et defFendre contre les dis Flamens , qui furent pluiseurs fois bien reboutés , et exillèrent adont ly Franchois un païs sur yaulx, que on clamoit le Loe , et s'en vint le roy de France demorer en la bonne chité d'Aras , pour mieulx entendre à deffendre le conté d'Artois.

Entreus que le roy de Franche estoit à Aras et ses gens entendoient à guerrier les Flamens, messagiers chertains ly vinrent de par ses gens qui estoient dedens Calais aségiés, dont messire Jehan de Vianne, messire Jehan de Surie, messire Ernoul d'Audrehem , messire Pépin de Were et messire Henry du Bois estoient chiefs, et encore aultres bons chevaliers et escuiers, et prioient le roy en carité qu'il les volsist hastivement secourir ; car vitaille leur estoit falie, et ne se povoient longement tenir. Quant le roy Phelippe entendy ches nouvelles, il en ot grant pité et grant annoy. Sy fist mander les communes des villes et ses gens d'armes de toutes fortresses de Picardie, et se party le roy de la cité d'Aras, et s'en vint à Hesdin et dist adont et fist assavoir à tous qu'il se volloit traire par devers le roy d'Engleterre et n'entendroit jamais à aultre [cose] jusques adont qu'il aroit dességiet la ville de Calais. Sy commanda que tous le siévissent, car il yroit celle part sans nul séjour. Et envoia devant ses marisaulx pour aviser le chemin et les passaiges. Dont s'avanchièrent toutes manières de gens, et vinrent vers Artois.

Quant le roy de Franche eult esté à Hesdin environ sept jours, il s'en party atout son grant host, et s'en vint pardevers Fauquenberghe et s'y loga une nuit, et puis s'en party, et vint l'endemain logier entour Ghines, où tout le pais estoit gasté ; mais prouvéanches le siévoient de tous costés et à grant foison. A l'endemain, il se desloga et vint logier droit sur le mont de Sangate, qui estoit asés près de

s'avance jusqu'à sakgate. 249

Calais et asés près de l'ost du roy d'Engleterre, syques on les povoit bien veoir clèrement de l'ost des Englès et de la ville de Calais. Et sachiés que le roy de Franche avoit [sy] grant ost et grant train de seignourie, de gens d'armes et d'aultres gens, que on les nombroit à deus cens milles hommes. Quant chils de Calais les virent prumiers sur le mont de Sangate poindre et leur banières venteler, il eurent moult grant joie et cuidèrent certainement estre tous dességiës ; mais quant il virent que on se logoit, il se commenchèrent à esmaier et à yaulx désespérer.

Or vous diray que le roy englès fist, quant il sceut que le roy de Franche venoit à sy grant ost pour luy combatre et pour le deslogier [du siège devant] le ville de Calais, qui tant luy avoit cousté d'avoir et de gens et de la paine de son corps, et sy savoit bien qu'il l'avoit sy bien asségie et sy estroitement que elle ne povoit tenir longement ; sy luy venroit à grant contraire, s'il l'en convenoit ensy partir. Sy avisa que les Franchois ne povoient venir combatre à luy, ne lever le siège, ne aprochier son ost, ne le ville de Calais, fors que par l'un des deus pas ou par les dunes de la mer ou pa.r deseure là où il avoit grant foison de fossés, de crolières et de mares, et n'y avoit que ung seul pont par où on peuist passer : sy l'appelle-on le pont de Niulais. Sy fist traire ses naves et ses batieaulx par' devers les dunes et bien garder et furnir de bombardes et d'artillerie, dont l'ost de France n'osa par là passer ; et fist le conte d'Erby son cousin aller logier sur le dit pont de Niulay et grant foison de gens d'armes et d'archiers, par quoy li Franchois ne peuissent passer parmy les mares, qui sont impossible à passer.

Entre le mont de Sangate et la mer au lés devers Calais avoit une haulte tour que XXXII archiers englès tenoient, et gardoient là endroit le passaige des dunes pour les Fran-

2o0 PHILIPPE DE VALOIS

chois, et estoit durement fortefie de grans fossés doubles. Quant ly Franchois furent logiet sur le mont de Sangate , ensy que vous avés oy, les gens de commugnes perchurent celle tour, et allèrent chil de Tournay celle part. Quant chil qui estoient dedens, les virent aprochier, il trairent à yaulx et en navrèrent aulcuns. Quant le commune de Tournay virent che, il assallirent radement celle tour sans commandement des marisaulx. Sy le gaignèrent par forche et tuèrent les archiers qui dedens estoient, et puis le abatirent toute.

Quant l'ost des Franchois fut logiet sur le mont de Sangate, le roy de Franche envoia ses marisaulx , le seigneur de Bieaujeu et le signeur de Saint- Venant, pour regarder comment et par où son ost plus aisément puist passer pour aprochier les Englès et yaulx combatre. Chil seigneurs allèrent partout regarder les passaiges, puis s'en revinrent au roy et li dirent à brief parolle qu'il ne povoient aviser qu'il puissent nullement aprochier les Englès , qu'il ne perdissent ses gens davantaige. Sy demora la chose ensy ceste journée et le nuit et ensiévant l'endemain. Après messe le roy de Franche envoia grans messaigiers par le consail des barons au roy d'Engleterre, et passèrent les messaigiers par le congiet du conte d'Erby au pont de Niulay, et furent messire Joôroy de Cargni, le sire d'Aubegni, messire Gui de Nelle et le sire de Chastel-Belin. En passant, chil quatre seigneurs considérèrent bien le destroit et le passaige ; puis s'en vinrent au roy englès et luy dirent que le roy de Franche les envoioit à luy et ly mandoit qu'il estoit là venus pour dességier la ville de Calais que aségiet avoit à grant tort, mais il s'estoit sy enforchiet de fort passaige que le roy de Franche et ses gens ne povoient passer sans grant dangier. Sy ly requéroit que il ly volsist livrer plache par où il peuist passer, et il se combatroit à

s'avance jusqu'à sangate. 251

luy ; et, se chou faire ne voUoit, il se retrairoit arière et délivreroit par delà bonne plache de terre et se combateroit , et cui Dieux en donne la grâce et le fortune, sy l'euist. Quant le roy englès eut tout che entendut, il s'avisa ung petit et puis dist : « Seigneurs, jou ay bien entendut « tout che que vous me requerés de par votre royPhelippe « vostre seigneur qui tient mon droit hirtaige à tort, dont « il me poise. Se ly dires de par moy, se il vous plaist, « que je suy chy endroit et y ay demoré près d'un an. v( Chou a-il bien sceu, et y fust bien plus tos venus, se il « volsist ; mais il m'a chy laissiet demorer si longement « que jou ay grandement despendu du mien, et y pense « avoir tant fait que assés temprement je serai sire de la « ville et du castiel de Calais. Sy ne suis mie consilliés « de faire du tout à se devise, ne à son ayse, ne à son « plaisir, ne [de] deslogier [de] che que je pense à avoir « conquis et que jou ay tant désiré. Et se ne peultpar là « passer, sy voist autour par une aultre voie. » Les barons messaigiers du roy de Franche veirent bien qu'il n'aroient aultre response. Sy prirent congiet et s'en revinrent par devers leur ost et recordèrent au roy tout che que il eurent trouvé : de laquelle response le roy fut moult courouchiés, car il vit bien qu'il luy convenoit perdre le forte ville de Calais, et se n'y povoit mettre remède de nul costé, dont trop fort luy desplaisoit , et c'estoit bien raison. Entrues que le roy de Franche estoit sur le mont de Saugate et qu'il estudioit comment , ne par quel tour il pouroit combatre les Englès qui sy fort s'estoient fortefiés, vinrent deux cardinals en son host, qui celle année avoient pluiseurs fois parlementé de faire acort entre les deux rois par le promotion du pape Clément. Sy prièrent tant au roy de Franche qu'il otriast une trièves trois jours et parleroient de leur acord s'il povoient trouver de l'autre cos-

tet ; puis s'en vinrent au roy d'Engleterre et le prièrent tant qu'il s'y acorda ossy , et envoia à che parlement le conte d'Erby , le conte de Norhantonne, monseigneur Gautier de Mauny et monseigneur Renault de Gobehen , et de par le roy de Franche y vinrent le duc de Bourbon , m essire Jehan de Haynau, le sire de Bieaugeu et messire Joffroy de Cargni. Chil seigneur parlementèrent tous les trois jours, et les deux cardinaulx aloient entre les deux parties moyennant et metant pluiseurs raisons et parchons avant , dont à l'un et puis à l'autre ; mais oncques ne peurent point d'acort trouver. Et tout parlementant, le roy Édouart faisoit toudis son host enforchier et faire merveilleusement grant fossés sur les dunes, par quoy les Franchois ne peussent passer ; et sachiés que chil parlement et ces trieuves anoioient durement à cheulx de Calais qui volontiers euissent veu leur délivrance ; car on les faisoit trop juner.

Quant le roy de France vit que le parlement estoit finis sans acort et qu'il n'avoit pooir de passer devers les Englès , ne iaulx combatre , se ne volloit que li siens fussent perdus d'avantaige , il eut consail qu'il s'en yroit devers Aras et laisseroit cheulx de Calais accorder au roy englès , et envis le fist ; mais il vit bien qu'il ne le povoit amender. Sy fist l'endemain bien matin son grant ost deslogier et tentes et harnas tourser. Il n'a sy dur cuer d'omme ou monde, qui adont veist cheulx de Calais maintenir , quant il virent leur gens deslogier, qui n'en euist pité. Et quant les Englès d'autre part virent les Franchois deslogier , grant foison en allèrent par routes de celle part pour [chercher] adventure et férir en le keue des deslogeurs. Sy en trouvèrent de chiaulx , et assés , qui avoient trop tart dormy , et gaignèrent grant foison de prouvéanches qu'il ramenèrent en leur ost.

REDDITION DK CALAIS. 255

Après le département du roy de Franche et de son host, qui 86 party du mont de Sangate, cil de Calais virent bien que ly secours en qui il se fioient, leur estoit falis , et sy estoient à sy grant destresse de famine que ly plus poissant se pooient à grant paine tenir en estant. Sy eulrent consail, et leur sambla qu'il valoit mieulx yaulx mettre en la volenté du roy d'Engleterre, se plus grant merchy n'y povoient trouver , que laissier morir l'un après l'autre par mésaise de famine ; car ly pluiseurs en poroient perdre corps et àme par destresse de fain. Sy prièrent tant à monsigneur Jehan de Vianne qu'il en volsist parler , qu'il s'y acorda. Adont monta à crestiaus des murs, et fist signe au dehors qu'il volloit parler. Quant le roy d'Engleterre entendy ches nouvelles, il envoia là tantost le conte de Norhantonne, monsigneur Gautier de Mauny, monsigneur Renault de Gobehen et messire Thomas de Hollandes. Quant il furent là venu , ledit messire Jehan de Viane leur dist : « Chiers seigneurs , vous estes moult vaillant « chevaliers, et savés que le roy de Franche que nous « tenons à seigneur, nous a chéens envoies et com- « mandé que nous gardissièmes ceste ville et che chas- « tiel, syque blâme n'en eussièmes, ne il point de damaige, a Nous en avons fait no povoir. Or est no secours falis , « et vous nous avés sy estraint que nous n'avons de quoy « vivre. Sy nous convenra tous morir ou esragier de fain, « se ly gentil roy qui est vostre seigneur, n'a pité de nous. « Chiers seigneurs , se luy vuelliés pryer en pité qu'il « voelle avoir merchy de nous et nous en voelle laissier a aller tout ensy que nous sommes , et voelle prendre la « ville et le chastiel et tout l'avoir qui est dedens. Sy en « trouvera assés. » Adont respondy messire Gautier de Mauny, et dist : « Messire Jehan, messire Jehan, nous « savons en partie l'intention de nostre sire le roy ; car

i254 REDDITION

a il le nous a dit. Sachiés que che n'est mie son entente « que vous en puissiés aller, ensy que vous avés chy dit ; « ains est se volleuté que vous vous raetés en se pure « vollenté ou pour mettre à ranchon cheux qui luy plaira u ou pour faire morir , car vous luy avés esté sy con- « traires et fait tant de despis et le sien fait despendre tt et grant foison de ses gens morir, dont, s'il l'en poise , a che n'est mie mervelles. » Adont respondit messire Jehan de Vianne et dist : « Che seroit grande et dure « chose pour nous, se nous consentions che que vous « dites. Nous sommes chéens ung peu de chevaliers et « d'escuiers qui avons loyaulraent à nostre pouvoir nostre « signeur servi , ensy que vous fériés le vostre en sara- « blant cas , et en avons enduré mainte paine et mainte « mess aise ; mes anchois en souffririons-nous telle raes- « saise que oncques gens endurèrent, ne souffrirent le « pareil , que nous consentissièmes que le plus petit gar- « chon de la ville euist autre mal que le plus grant do « nous. Mais nous vous prions que vous ly voelliés encore « pryer en humilité qu'il voelle avoir pité de nous et nous « voelle au mains tous rechevoir pour prisonniers , sauve « nos corps et nos membres, et mettre à ranchon , s'il luy « plaist. » Ly sires de Mauny respondy et dist qu'il fera voUentiers che messaige avoecq ses compaignons , et en feront leur pooir. Sy se partirent de là et s'en vinrent au roy , et ly contèrent toutes ces paroUes ; mais le roy ne se voUoit acorder à celle darraine requeste pour prière, ne pour raisons que on luy peuist monstrer. Dont ly dist messire Gautier de Mauny. « Gentils sires, « vous poriés bien avoir tort , car vous nous donnés mal- « vais exemple. Se vous nous voUiés envoier en aulcunes « de vos fortresches, nous n'irimes pas si vollentiers , se « vous faites ces gens mettre à mort , ensy que vous

« dites ; car eusy feront-il de nous en samblable cas. « Chils exemple molia durement le coraige du roy. Sy leur dist : « Or, signeur, je ne voel mies estre tous seuls contre tt vous tous. Aies à yaulx et leur dites que pour l'amour « de vous qui m'en priés, je les recheverai vollentiers (i comme prisonniers, saulf tant que j'en voel avoir six des u plus gros bourgois de la ville, qui venront pardevant « moy en pur leur chemises , chascun la hart o col , et « m'aporteront les clefs de la ville et du chastiel, et 0 feray de ces six ma vollenté. »

Après celle darraine parolle du roy n'i ot nulle réplique, mais se partirent de luy les quatre chevaliers dessus nommés , et s'en vinrent devers messire Jehan de Viane , qui atendoit le response , et ly dirent tout che que vous avés oyt et comment encores à grant dur l'avoient-il impétré. Dont respondit messire Jehan de Viane et dist : « Chier seigneur, « puisque aultrement il ne se peult faire , je le reporteray « ossy ensy à ceulx de la ville , et , s'il vous plaist , vous « atendrés ychy tant que je retourneray, » Ils respondirent : « Volentiers. » Lors se party des cretiaux messire Jehan de Viane , et vint au marchiet, et fist sonner la cloque pour assambler toutes manières de gens en le halle. Au son de la cloke chascun y acourut, car moult désiroient à oïr des nouvelles et leur alégance de ceste mésaise. Quant il furent tous venus, hommes et femmes, messire Jehan de Vianne leur fist le relation, tout ensy que vous avés oy, et leur dit bien que aultrement ne pooit estre. Quant il oïrent ceste response , il commenchèrent tellement à crier et à plorer qu'il ne fust nul sy dur cuer qui n'en euist pité , et n'eult nul autre adont pooir de respondre , ne de parler. Une grant espace après se leva en pies le plus riches bourgois de la ville, que on nommoit messire Vistasse de Saint-Pierre, et dist par devant tous ensy : « Signeurs, grant pité et grant