REDDITION

« meschief seroit de laissier morir ung tel peuple que chy « a , par famine ou aultremeut , et sy seroit grant grâce « et aulmosne à Nostre-Seigneur, qui de tel meschief les (( pouroit garandir, Jou , endroit de moy , ay si grant « espérance d'avoir grâce et pardon à Nostre-Seigneur, se « je meurs pour che peuple sauver , que je voel estre le « prumier des six, et me metray volentiers en ma chemise, « à nus pies, le hart au col , en la merchy du roy d'En- « gleterre. » Quant sire Vitasse de Saint-Pierre eult dit ces parolles, chascun l'ala aourer de pité, et pluiseurs femmes et hommes se laissoient cheoir à ses pies tendrement pleurant. Che u'estoit point de mervelles ; car nul ne pouroit croire , ne penser le grant détresche de fain qu'il enduroient , ne le grant povreté dont petis et grans , riches et povres , avoient vesqu plus de six sepmaines en devant. Quant che preudons raessire Vitasse de Saint-Pierre eult parlé comme vous avés oy , ung aultre preudome des plus riches de la ville se leva ossy et dist qu'il voUoit le second estre et qu'il tenroit compaignie audit messire Vitasse. Après se dreça le tiers, et dist ensy que le second ; après le quart , après le cinquième, et après le sixième. Je n'ay que faire d'iaulx tous nommer , mais tous dirent de leur propre volenté qu'il se mettroient en le pure vollenté du roy d'Engleterre.

Che fu grant pité pour yaulx et grande grâce pour tous les aultres que chil six bourgois qui estoit les plus riches de la ville de Calais, vourent le remanant du peuple de Calais sauver et acomplir le plaisir et requeste du roy englès. Sy se dévestirent tantost en pur leur chemises et s'en vinrent à la porte de la ville tout descauls là où ly quatre chevaliers englès les atendoient, cascuns ung chevestre loyet entour son col, et dirent à chevaliers : « Chiers sei- « gneurs,nous désirons tant le peuple de ceste ville à garder

« de mort vilaine, que nous nous metons, ensy que vous veés « et que vous nous avés raporté, en la pure volenté du geu- H til roj d'Engleterre, et aportons les clefs de la ville et du « chastiel de Calais avecques nous. Sy nous y voelliés « mener et pryer pour nous qu'il voelle avoir de nous « pité. » Les quatre chevaliers prirent ches six bourgois et les menèrent par devers le palais du roy. Tout chil de l'ost y acoururent et s'asamblèrent par devant le palais du roy, et là eult grant presse en la plache , che poés savoir. Les ungs parloient de pité et ploroient, et les aultres disoient : « On les pendra appertement , » ensy que li cuer sont de divers métal et qu'il ne sont mies tout ung.

Le roy qui estoit adont en sa cambre à grant compaignie de contes et de chevaliers, s'en vint hors en la plache, et madame le gentille royne le siévoit, qui estoit moult grosse d'enfant, pour veoir que che seroit. Ly six bourgois se mirent à genoux par devant le roy et dirent ensy : « Gen- « til sire et gentil roy, veschy nous six qui avons esté « d'anchisserie bourgois de Calais et grans marchans. Sy « vous aportons les clefs de la ville et du castiel de Calais, « et les vous rendons à fairé^ vostre plaisir, et nous met- « tons, en tel point que vous nous veés, en vostre pure « volenté pour le reraenant du peuple sauver, qui souffert « a mainte griefté. Sy voelliés de nous avoir pité et mer- « chy par vostre très -haulte noblesche. » Chertés il n'eut adont sy grant chevalier , ne sy vaillant homme qui se peuist tenir de pleurer de droite pité , ne qui peust en grant pièche parler ; car le roy avoit adont le cuer si dur de fin couroux qu'il ne peut en grant pièche parler ; et quant il parla, il commanda que on leur copast les testes incontinent. Tout ly chevaliers et les seigneurs luy prioient sy achertes que il povoient , et tout plorant, qu'il volsist avoir pité et merchy de ces six bourgois ; mais il n'i volloit entendre.