S8 REDDITION

Adont parla le gentil chevalier Gautier de Mauny, et dist : « Ha! gentil sire , voelliésrafrenier vostre coraige. « Vous avës le non et le farae de souveraine gentillesse et « de noblesche. Ne voelliés faire chose dont vostre grant « renommée soit de riens abaisie, ne pour quoy on peuist « parler sur vous en nulle villonnie, se vous n'avés pité de « ces gens. Tout aultre gent diront que che sera grant « cruaulté, se vous faites morir ces gens honnourables qui « de leur propre vollenté se sont mis eu tel point et en « vostre merchy pour les aultres sauver, » A che point se grigna le roy, et dist : « Messire Gautier, souffres, il ne « sera aultrement ; mais on faiche venir le cope-teste, « Chil de Calais ont fait morir tant de nos hommes , « qu'il convient cheulx morir ossy. » Adont flst la royne grant humilité au roy , et ploroit moult tenrement, qui estoit moult enchainte. Elle se laissa cheoir à genoux par devant le roy et dist ensy : « Ha ! gentils sire, puis que je « passay par deçà la mer en grant péril, sy comme vous « savés, je ne vous ay riens requis, ne don demandet. Or u voel-jou pryer à mains jointes en propre don que pour « le Fil sainte Marie et pour l'amour de ray que vous « voelliés avoir de ches bourgois merchy. » Le roy attendy ung petit de parler , et regarda la bonne dame qui estoit enchainte durement et ploroit devant luy à genous tenrement. Se ly amolly le cuer, car il le couroucliast envis ens ou point là où elle estoit. Si dist : « Ha ! dame, je amaisse « trop mieulx que vous fussiés aultre part que chy. Vous « me priés sy achertes que je ne le vous ose escondire, et, u comment que je le fais envis, je les vous donne : faites « en vostre plaisir. » La bonne dame dist : « Monseigneur, « très-grant merchy. » Lors se leva la royne, et fist lever les six bourgois et leur fist oster les kevestres d'entoui' leur cols et les emmena avoec elle en sa cambre, et les

fîst revestir et donner à disner tout aise, et puis donna à chascun quarante sols d'estrelins, et les fist conduire hors de l'ost à sauveté.

Ensy fut le forte ville de Calais assise de par le roy d'Engleterre l'an de grâce mil III' XLVI, à le fin du mois d'auoust, et fut conquise l'an de grâce mil Iir XL VII au mois d'auoust. Quant le roy englès eut fait sa voUenté des six bourgois, sycomme vous avés oy, il envoya ses marisaulx monseigneur Gautier de Mauny, raessire Renault de Gobehen et pluiseurs aultres chevaliers en ladite ville pour prendre la saisine et possession, et commanda que il presissent ledit messire Jehan de Vianne et tous les chevaliers qui là estoient venut de par le roy de Franche, et les envolassent en Engleterre, et que tous les aultres saudoiers qui là estoient venus pour saudée de leur volenté et cheaulx de la ville petis et grans, que on les fesist aller en voie en leurs simples draps sans plus. Ensy fut fait qu'il commanda, et firent aporter les sauldoiers toutes armures et jetter en ung mont en la halle de Calais , puis saisirent toutes les maisons des bourgois, et [fu] commandé sur le hart que nuls ne fourfesist riens sans congiet. Quant il eurent tout che fait , le roy et la royne entrèrent en la ville à grant noblesse de trompes , de naquaires et de cornemuses et d'autres instrumens de ménestrandie , et chevauchèrent ensyjusques au chastiel , et tint là une grant court des barons et chevaliers , et donna le roy à ses barons chascun un ostel en la ville de Calais pour yaulx logier et amaser, quant il y venroient et yroient par là , et fist deffaire le neuve ville qu'il avoit fait faire pour tenir le siège devant Calais, et abatre et ester le grant castiel de bos qui estoit sur les dunes à l'endroit du havre, et donna toutes manières de gens congiet pour retourner en Engleterre , et demora là atout grant gens d'armes par l'espasse

260 UNE TRÊVE d'un AN

de trois sepmaines pour le chastel et la ville remettre eu bon point et pour renforchier che qui rompus estoit et pour establir qui le garderoit.

Or m'est avis que ch'est grant pité à consydérer et après penser que cil grant bourgois et ces nobles bourgoises et leurs bieaulx enfans devinrent , dont il y avoit grant foison en la ville de Calais au jour que elle fut premièrement aségie , qui tant y avoient de belles maisons et qui tant riches estoient et poissant d'avoir et d'iretaige, et tout leur convint laissier et guerpir ; car de tous cheaulx de la nation de Calais , il ne demora par l'ordenance du roy que trois hommes anchiens, bons coustummiers, qui savoient les lois et les usaiges de la ville pour enseignier et adrechier les gens du roy coustumes, bonnes , masures, hirtaige et autres choses, ensy qu'il apertient et est d'usaige en toutes villes. Au voir dire , il s'espardirent et alèrent demorer à Saint-Omer et en Flandres et en Artois et en Boulenois et aultre part. Les aucuns les plaindoient, et les autres non ; car , en devant le siège , la ville de Calais avoit le renommée de tous cheulx qui le congnoissoient et hantoient , que c'estoit le une des villes du monde le plus plaine de péchiés , où le plus ,àe roberies et de choses mal acquises demoroient et convertisoient. Sy disoient les aulcuns qui les congnoissoient , que Dieu les avoit payet seloncq leur déserte ; car à paine povoient nuls gens aller par mer, s'il n'estoient trop bien acompaigniès , qui passoient devant le havre, qu'il ne fussent mourdris ou desrobés , et pour cho les haioit le roy englès.

Or lairons à parler de cheaulx qui le leur avoient perdu par fait de guerre ou espoir par leurs péchiés, et parlerons des deux cardinaulx que le pape Clément avoit envoiet en