EST CONCLUE

légation en Franche , le siège de Calais durant , pour amoyenner les deux roys , s'il peuissent. Il se tenoient en la ville de Saint-Omer, et encores estoit le roy de Franche à Aras, et le roy d'Engleterre à Calais , car il ordonnoit et remettoit la ville à point. Sy ne se volloient mie partir, ains que aulcuns traitiés d'acort ou de trièves ou de respit ne fust prins. Tant alèrent de l'un à l'autre que unes trièves furent prises entre les deux roys et leurs gens, et devoit durer jusques à la Saint-Jehan-Baptiste qui seroit l'an de grâce mil IIF XLVIII, et devoit cascuns de che dont il estoit en saysine, joyr.

Quant celles trièves furent acordées et sellées, le roy de Franche se party d'Aras, et donna congiet à toutes ses gens d'armes, et s'en râla devers Paris ; et le roy englès se party pour aler en Engleterre, et laissa en la ville de Calais grant foison de bonnes gens d'armes, et au chastiel et à chastelain ung Lombart que moult amoit, que on apelloit Aimery de Pavie, puis s'en party et monta en mer, et la royne et le prinche leur fils et les chevaliers qui demorés estoient à Calais, avecq luy, et ariva à Douvres, et tant fist qu'il vinrent à Londres, où il furent recheu à grant joie, Assés tost après que le roy englès fut revenus en Engleterre, il mist grant entente à repeupler la ville de Calais, et y envoia gens de tous mestiers et riches bourgois, et leur donna ces maisons qui estoient demorées vides, et leur donna libertés et franchises grandes, par quoy il y demoraissent le plus vollentiers , et y envoia bons mestres carpentiers et mâchons pour ouvrer as portes, as barbacannes et à besongnes de la ville et de là environ, qui dedens leur pourpris s'enclooit.

Toute celle année queces trièves furent acordées, que bien avés oy, se mirent ly doy roy [à pais] l'uns contre l'autre ; mes pour ce ne demora mie que messire Guillame Duglas ,