PILLAGES

che vaillant chevalier d'Escoche, et les Escochois qui se tenoient en le forest de Gédours, ne guerriast toudis les Englès partout là où il les povoit trouver, quoyque le roy d'Escoche leur sire fust prisonnier, et ne tenoient oncques trièves que le roy de Franche, ne le roy d'Engleterre euissent ensamble.

Ossy cil qui estoient en Gascongne, en Poitou, en Saintonge, tant de Franche, comme des Englès, ne tinrent oncques fermement trièves, ne respit qui fust entre les deux rois, ains gaignoient et conquéroient ville et chastieaux souvent ly uns sur l'autre par forche ou par emblée ou par escelles, de nuit ou de jour, et leur avenoit souvent de belles aventuT'es, une fois as Franchois, l'autre fois as Englès, et toudis gaignoient povres brigans au desreuber les villes et les chastieaulx, et y conquirent sy grant avoir que c'estoit mervelles , et en devinrent les aulcuns sy riches (chil qui estoient raestre et cappitaine des aultres brigans) que il y avoit de tels qui avoient bien le fin de quarante milles florins.

Au voir dire et raconter, c'estoit trop grant mervelles de che qu'il faisoient. Il espioient, telles fois estoit et bien souvent, une bonne ville ou ung bon castieî une journée ou deux journées loing, et puis sy s'asembloient trente brigans ou quarante, et en aloient tant de jour et de nuit qu'il entroient en celle ville ou en ung castiel que espiet avoient, droit sur le point du jour, et boutoient le feu en une maison, et chil de la ville cuidoient que che fussent mille hommes d'armes qui venissent ardoir leur ville, sy s'enfuioient qui mieulx mieulx, et chil brigans brisoient maisons, coffres et escrins, et prendoient che qu'il y trouvoient, puis en aloient leur voie tous chargiés. Ensy faisoient-il en