DES BRIGANDS

pluiseurs lieus etaultres villes, et gaignoient ensy pluiseurs chastieaus, et puis les vendoient.

Entre les aultres eult ungbrigant de le Langedoch, qui en telle manière espia le fort castiel de Comborne, qui siet assés près de Limoges , en moult fort païs, Sy prist par nuit trente de ses compaignons, et vinrent à che fort chastiel et l'esquiellèrent et le gaignèrent , et prirent le seigneur que on nommoit le visconte de Comborne sur son lit et tuèrent toute la mesnie de laiens et mirent le seigneur prisonnier en son chastiel mesmes et le tinrent si longement qu'il se ranchonna à vingt-trois mille escus contant, et encores détinrent les- dis bringans le fort chastiel et le garnirent bien , et puis le vendi-il au roy de Franche parmy paiant trente mille escus que le roy le paia , et devint homme du roy et avoit à non Bâchons le brigans, et fu puisedy en Franche et à Paris sy grant mestre qu'il voloit , et estoit toudis depuis bien montés et noblement armés et richement vestu.

Tout en telle manière se maintenoit-on en la ducé de Bretaigne ; car syfait brigant conquéroient et gaignoient villes, fortresses et fors chastieaus, et les roboient ou les tenoient et puis les revendoient. S'en devenoient les aucuns qui estoient mestre deseure les aultres , sy riches que c'estoit mervelles. Il en y eult ung entre les aultres , qui s'appelloit Crokart, qui avoit esté en son commenchement ung povre garchon et longtamps paige au seigneur d'Ercle en Hollande. Quant il commencha à devenir grans , il eult congiet. Sy s'en ala ens es guerres de Bretaigne et se mist à servir ung homme d'armes. Sy s'esprouva sy bien que à ung rencontre où il furent , dont son maistre y fut tués , mais par le vaillance de luy les compaignons l'eslirent à estre cappitaine ou lieu de son maistre , et puis en pau de tamps tant gaigna et conquist et proufita par payant ran-