COURONNEMENT
gouverneur. Sy fust ceste chose acordée et publye de par le royne parmy le royaulme. Et se cuidoit devant che Noël partir messire Jehan de Haynaii et retourner arière en Haynau ; mais la roynne et son consail ne veurent que se partesist et luy en prièrent tant que il demoura. Mais le plus grant partie des chevaliers de Haynau qui avoecques luy avoient esté venus, retournèrent , tels que messire Robert de Bailluel , messires Sanses de Bieaurieu , le siro de Floyon , le sire de Gommegnies , le sire de Aubrechicourt , le sire de Mastain , messire Sanses de Boussut , le sire de Montigny et pluiseurs autres , et ly gentils chevaliers , à la prière de madame et du conte de Kent, demora. Et sachiés que chil qui se partirent , enportèrent hors d'Engleterre grant or et grant argent et riches joiaulx qui leur furent présentés.
Encontre le solempnité du Noël vinrent à Londres tout ly prélas d'Engleterre , conte , barons, chevalier et consaulx des pors , chités et bonnes villes , et là ot ou palais de Wesmoustier par quatre jours grant parlement , et là fut leu en publicque tout le fait du roy d'Engleterre qui encore vivoit, et que diversement et raauvaisement il avoit gouvernet et menet ses gens et son royalme. Sy fu dit , avisé et arresté par grant délibération de consail que ung tel hons n'estoit mies dignes de porter couronne, ne de gouverner royaulme, et que on fesist son aisnet fils roy, et ly pères fust tenus en prison, ensy que devant, tout son vivant. Sur chel arrest et accord fut couronnés le jour de le Nativité Nostre-Signeur Tan de grâce mil trois cent vingt-feix ens ou palais de Wesmoustier dehors Londres le noble et vaillant roy Édouart d'Engleterre ou seiziesme an de son eaige.
d'Edouard m. 15
Au couronnement dudit roy et à sa solempnité firent grant feste et noble et qui longement dura , et là fut moult honnourés de tous les chevaliers d'Engleterre mesires Jehans de Haynau. Sy dura la feste plus de quinze jours. Après la feste se partirent chascun , et là vinrent nouvelles à messire Jehan de Haynau d'un tournoy qui se devoit tenir à Condet-sur-l'Escault où ses frères li conte et le gentil roy de Behaigne y dévoient estre et grant foison de seigneurs de l'Empire et de Franche. Adont prist congiet le gentil chevalier , ne nuls ne l'euist retenu , à madame la royne et à son fils le jovène roy et au conte de Kent et à tous les barons qui delés le roy estoient. Quant la roine vey que retenir ne le povoit, se luy donna liement congiet, et luy fist présent de grans dons et biaus joyaulx, et à tous cheulx qui delés luy estoient demoret, et luy donna le roy de présent toute sa vie durant seize cens mars de revenue et les florins délivrés à Bruges et là payés, et à Phelippe de Castiaus, son mestre d'ostel, escuier et consillier, cent mars à payer parellement. Après ches besoignes faittes et le congiet prins , retourna le chevalier en Haynau où il fut grandement rechut du conte son frère et de tous les barons, et bien le valloit , car au vray dire il avoit fait un biel voiage et une haulte emprise dont il en devoit bien estre honnourés , et ossy fut-il tout son vivant et est encores de tous cheaus qui en oient parler.
Nous nous tairons ung petit de parler de luy , et parlerons du roy d'Engleterre et conterons comment il usa le premier an de son couronnement. Il se consilla le plus au conte de Kent , son oncle , et à monseigneur Rogier de Mortemer , et ausy à madame sa mère. Ne demeura gaires
