ROBERT BRUCE DÉFIE EDOUARD III

de temps que le roy Robert de Brus , roy d'Escoche , qui bien avoit entendu le discention du royalme d'Engleterre et comment le royalme estoit afoiblis des nobles et des vaillans hommes que ly roys sou père avoit fait mourir , sycomme chy dessus est dit , fist defRer che jovène roy d'Engleterre, et luy manda par ses hiraus que il vendroit mettre le siège devant la bonne cité de Ewruich et que il ne s'en partiroit sy l'aueroit ou on luy lèveroit le siège.

Quant le jovène roy d'Engleterre entendy ces nouvelles, et ossy madame sa mère, sy ne leur furent mie trop plaisant. Adont il s'en resconfortèrent le mieulx qu'il peurent et s'avisèrent que derechef il prieroient che gentil chevalier monseigneur Jehan de Hainau que il les volsist venir conforter à cinq ou six cens lances. Quant ces nouvelles vinrent au gentil chevalier , sy en fut tout resjoïs et dist aus messaigiers que il estoit tout aparliés ou serviche du roy d'Engleterre et de madame sa mère. Sy se pourvey tantost seloncq ce , et pria tous les compaignons que il pensoit avoir , lesquels furent tous apparilliés d'aler avoecq luy pour le grant proufit que il en atendoient et que cens qui devant y avoient esté, avoient fait. Sy ot de sa cherge monseigneur Jehan de Haynau le seigneur d'Engien , le seigneur de Havrech , le seigneur d'Antoin , le seigneur de Fagnoelles, monseigneur Fastre dou Ruelt , mon- .seigneur Robert et messire Guillame de Bailluel , monseigneur AUart de BrufFel , monseigneur Michiel de Ligne , messire Jehan deMontigny, monseigneur Sanse de Bousseu, le seigneur de Goumegnies , messire Percheval de Sémeries , le seigneur de Bieaurieu , le seigneur de Floyon ,