TENTATIVE DES FRANÇAIS

fons et par prise de villes et de chastieaux, qu'il devint sy riches que on disoit qu'il avoit bien le fin de soixante mille escus d'or , sans ses chevaulx , dont il avoit en estable vingt ou trente bons coursiers , et avecq che il avoit le nom d'estre le plus appers homme d'armes qui fust ens ou pays , et fut esleus pour estre ly uns des trente Englès qui se dévoient combatre contre les trente Franchois en Bretaigne , dont vous orés parler chy-après , et fu ly uns des prins à celle bataille avecq les aultres. Et puisedy ly avint ung grant meschief , car il chevauchoit ung jour l'un de ses coursiers sur les camps et le fery des esporons pour faire sallir ung fosset. Sy chéit luy et son coursier en ung mont. Sy se brisa le dit Crokars le hateriel, mais je ne say qui eult son avoir , ne qui enporta son âme. Ly brigans mouteplyèrent puissedy tant que maint damaige en avint en pluiseurs marches par le royalme de Franche, sycorame vous orés ensievant, s'il est qui le vous lise.

Après, avint en l'an de grâce mil IIP XLVIII que messire JofFroy de Cargni , vaillant chevalier et preu durement et ly uns des prochains du consail du roy de France, se tenoit à Saint-Omer, et moult fort luy desplaisoit le perte de Calais, se amender le peuist. Sy jetta son avis et aresta sur cheluy Lombart Aimery de Pavie, qui estoit castelain de Calais , et pensa bien que chils assés tos aroit consenty par convoitise d'argent ung mauvais marchiet. Tant y pensa que se pensée avérist ; car il traita et fit tant devers luy tout secrètement et sy bien esploita à son entente que cheluy chastelain ly eult en couvent de livrer le castiel de Calais à ung certain jour par nuit , parmy le somme de vingt mille escus d'or qu'il devoit avoir.