POUR SURPRENDRE CALAIS

Or avint que le roy d'Engleterre sceut ches convenanches, je ne sçay comment che fu, ne à qui le Lombart se descouvry. Quant le roy d'Engleterre le sceut, il manda le dit castelain en Engleterre, et puis l'examina et fist tant par belles paroUes que il luy congnut la vérité de tout le marcliiet. Quant le roy l'eut oy, il s'avisa ung petit, puis dit au Lombart : « Se tu vollois faire che que « je te diroie et me volsisses aseurer que en ceste cose « tu seroies preudons, je te pardonneroie mon mautalent. » Le Lombart qui fu moult joians de ceste promesse, quant il vit qu'il pouroit fîner à sy bon marchiet, ly dist : « Oyl, » et l'en aseura sur sa foy, et que jamais il n'aroit maulvaise pensée , ne temptation envers luy. « Or te diray , « dist le roy, que tu feras. Tu yras avant de tes conve- « nanches, mais que tu ayes les florins en ta saisine, et « feras savoir à monsigneur JofFroy qu il soit saisis et « pourveus de grant foison de gens d'armes et garnis « des florins, car tu ly tenras bien ces convenanches , et « tu me lairas convenir du remanant. Mais ne fais nul « samblant à homme du monde que jou en saiche riens. » Le Lombart ly jura sus sains qu'il fera loyalment tout che que dit lui avoit, puis prist congiet et retourna à Calais , et fist tant qu'il parla en aulcun privet lieu à messire Joffroy de Cargni, et s'acorda adont sy bellement que la besongne yroit avant et que Aimeris aroit les vingt mille escus, et ossy il livreroit le chastiel au jour qu'il acordèrent à heure de minuit. Quant chou fu accordé, le Lombart se retraist à Calais, et puis prist ung sien frère que bien araoit, en non d'asseuranche, et l'envoya en Engleterre devers le roy et ly segnifia le terme, l'eure et l'ordonnanche du couvent et comment il estoit prins.

Le roy se pourvey sus che fait , et fist une semonse de compaignons privéement et ne s'en descouvry à homme du