TENTATIVE DES FRANÇAIS

monde, fors tant seulement à messire Gautier de Mauny , lequel il fist chief de ceste armée. Puis se mist en mer secrètement et fist tant que il ariva à Calais à le minuit devant le jour que la besoigne se devoit faire. Lors se mirent-il et ses gens les ungs en une tour, les aultres s'en aloient entre vièses murailles et y demorèrent tout le jour après sy couvertement que nuls ne s'en perchut.

Quant le nuit fut venue, ledit messire Joffroy vint ung pau devant minuit atout grant bachelerie et grant foison de gens d'armes et bien X"" hommes de piet, à chele entente que s'il avoit le castiel , il gaigneroit la ville après. Quant il sambla au Lombart que temps estoit , il ala à celle part là où il pensoit trouver le dit messire JofFroy ; sy le trouva, et ly dist que heure estoit, mais qu'il euist les florins. Messire JofFroy ly respondy que les florins estoient tout prests, mais il envoieroit anchois deux escuiers qu'il avoit, [pour congnoistre s'il avoit] voir dit , et le raportèrent ensy à leur maistre. Ly argent fut délivré. Il le prist et l'emporta avoecq luy en saulf lieu , et puis dist que on le siévist bellement sans faire noise. Quant il vint près de la porte, il entra ens et se mist en la cambre du portier atout les florins et laissa le porte ouverte. Chil entrèrent dedens , premiers ceulx à qui messires Jofl^roy l'avoit commandé, tant qu'il y en eult dix ou douze. Adont sallirent hors de le tour le roy englès et ses fils le prinche et messire Gautier de Mauny et grant foisons de bonnes gens d'armes, criant : « A le mort ! » syque ces douze furent [prins] de premiers encontres et tout tuet, puis alumèrent grant foison de grant torsins, et yssi le roy par le porte, et tous les aultres après, et coururent vistement sus messire Joffroy et ses gens d'armes, dont il y avoit moult grant foison de Picardie, d'Artois et de Boulenois, avecq messire Joff'roy et ches gens d'armes ,