COMBAT DEVANT CALAIS

dont il y avoit grant foison, tels que le seigneur de Fiennes, le seigneur de Crésecke, le seigneur de Bassentin, le seigneur de Jacourt, le seigneur de Créky, monseigneur de Ribemont, monseigneur Henry du Bois , messire Pépin de "VVerre, monseigneur Jehan de Landas, messire Oudart de Renty et pluiseurs aultres. Quant chil seigneur perchurent qu'il estoient décheu et trahis, sy furent tous esbahis et se retrairent che qu'il peurent, et se recuellèrent les aucuns , et ly aucuns montèrent sur leurs chevaulx et s'en partirent le plus tost qu'il porent. Là eult dure melléeet grant hustin ; car les Englès, gens d'armes et archiers, qui s'estoient enbuschiet en ches murailles et en ces maisons de Calais, sallirent hors vistement sy trestost qu'il oïrent sonner ung cors qui leur estoit signe de envaïr ches Franchois, et les envairent moult raderaent, et ches chevaliers de Franche entendoient à yaulx deffendre ; mais les Englès recullèrent les gens de piet jusques à une grosse rivière qui queurt au quart d'une lieue ou pau mains desous Callais, et là y eult grant foison de noyés et de mors sur le rivière et sur le rivaige entre Calais et la rivière.

Tant s'ensonnièrent les chevaliers et escuiers d'un costé et d'aultre que le jour vint et qu'il commenchèrent à recongnoistre l'un l'autre. Sy se requellèrent avoecq monseigneur Godeffroy de Cargny aulcun bon chevaliers qui envis s'enfuioient sans luy, tels que messire Ustases de Ribemont, messire Jehan de Landas, messire Pépins de Werre, messire Gavain de Bailleu, messire Henry du Bos, le sire de Créky, messire Oudart de Renty et pluiseurs autres, et envairent les Englès vaillaument à pointe de leurs espées, as lanches et as dagues, et se combatirent longement, et