ÉDODARD III DONNE SON CHAPELET

adoiit eult le roy d'Engleterre de son corps moult à faire et se combaty sous le banière messire Gautier de Mauny. Sy avoit assamblet et acuelliet à le main che bon chevalier monsigneur Ustasse de Ribemont , mais je vous dy que le roy ne l'avoit mie d'avantaige ; car par deus ou trois fois messire Ustasse l'abaty jus par force d'armes, et fu le roy englès en grant péril, et moult y eult à faire de son corps , car noient ne s'espargnoit, et le releva à cascune fois messire Gautier de Mauny. D'aultre part, les compaignons se combatoient à leur povoir. Là y eult fait mainte appertise d'armes, tantmainte prise et tantmainte belle rescouse. Et ces chevaliers français qui estoient demorés avec monseigneur Joffroy de Cargny, se prendoient moult près de bien faire le besoigne, et se combatoient vaillaument tant que il y convint demorer ces deux bachelers monsigneur Pépin de Werre et messire Henry du Bos, et y furent pris messire Godefroy de Cargny, messire Ustasse de Ribemont, messire Guillame de Bailleu, messire Oudart de Renty, le sire de Créky et pluiseurs aultres, et dura le cache moult longementjusques outre Ghines. Là en dedens en y eult moult de mors, d'affolës et de navrés, et y eult bien mors de cheaulx de Saint-Omer seullement IlIP hommes parmy les arbalestriers.

Quant la bataille fut finie et la chasse cessée et tout le camp délivré, et que les Englès ne savoient point à qui combatre, car les cappitaines des François estoient que mors ou pris pour celle bataille, excepté aulcuns signeurs qui se sauvèrent, messire Moriaulx de Fiennes, le sire de Rely, le sire de Crésèkes, et laissèrent mors le sire de Quiquenpois, monsigneur Pépin de Werre et le sire du Bos et des aultres chevaliers, dont se retrait le roy en la