A EUSTACHE DE RIBEMONT

ville de Calais, et enmenèrent leur prisonniers et les firent désarmer, et il se désarmèrent. Ausy le jour estoit court : che fu droitement le jour des estrines, le premier jour de l'an ou mois de jenvier. Sy fist le roy englès amener les prisonniers du chastiel et les fist souper avecque luy. Quant le soupper fut apparilliés, le roy fist tous ses prisonniers franchois seoir à table et leur fist toute la feste qu'il pot et honnour par raison. Quant le souper fut passé, il parla à yaux d'une cose et d'autre, et entre les aultres parolles, il dist à messire JofFroy de Cargny : « Messire JofFroy, mes- « sire Joifroy, je vous doy par raison pau amer, quant vous « voilés embler par nuit chou que j'ay sy comparet et qui « m'a tant cousté. Sy suy moult lies que je vous ay pris à « l'épreuve sur le fait. Vous en voUiés avoir railleur mar- « chiet que je n'en ay eut, car le cuidiés avoir pour vingt « mille escus ; mais Dieu m'a aydiet que vous n'estes mies « venusàvostre entente. Encore m'aidera-il, se il luy « plaist, à me plus grant entente, aussy vraiement qu'il « scet que jou ay droit. » Puis se retourna le roy devers messire Ustasse de Ribemont, et luy dist : « Messire « Ustasse, vous estes le chevalier du monde que je vis « oncques mieulx et le plus hardiement assallir ses « ennemis, ne son corps deffendre ; ne ne trouvay onc- « ques en bataille là où je fuisse, qui tant me donna à faire « corps à corps que vous avés huy fait en ceste nuit. « Sy vous en donne le pris de la bataille deseure tous « aultres. » Puis prist le roy ung moult riche capelet bien richement ouvré de grandes perles et grosses qu'il avoit sur son chief, et le mist sur le chief du dit messire Ustasse, et dist : « C'est en signe du pris que je vous ay « donnet, que je vous donne cest cappiel, et vous prie ; « tant comme je puis, que vous le portés ceste année « entière, partout là où vous veurés, entre seigneurs et che-