COMBAT NAVAL DE WFNCHELSEA

En elle tamps estoient ly Espaignos en grant rancune contre les Englès pour aulcuns contraires que il avoient fais à ses gens , et tant que il les avoient fort manechiés et dit que chil qui estoient venus et arivës en Flandres, à leur retour le comparroient. Sj avoit en celle [année] fait le roy faire ses prouvéanches grandes et grosses sur mer, affin que il peuist estre fors contre les Espaignos et yaulx combatre. Les Espaignos qui estoient venu en Flandres, se doubtoient bien du roy d'Engleterre et de ses gens , et quant il eurent fait leur marchandises en Flandres , en Haynau et en Brabant, et recergies leur nefs et leur gallées , dont il avoient plus de cent , il atendirent tout l'un l'autre et s'en vinrent à l'Escluse , et prirent pour leur deniers grant foison de sauldoiers, et puis environ le mois de septembre entrèrent en leurs vassiaulx et se désancrèrent de l'Escluse , et tournèrent leurs bateaux devers Calais.

A che jour et trois jours devant estoit sur mer le roy d'Engleterre et toute se navire moult belle et moult grosse. Là estoient avecques luy ses fils le prinches de Galles , le conte d'Erby , le conte de Stanfort , le conte de Norliantone, le conte de Warvich , le conte de Sufort , le conte d'Askessufort , le conte de Salbry , messire Renault de Gobehem, messire Gautier de Mauny, messire Jehan Camdos et toute la fleur des barons et des chevaliers d'Engleterre, et estoient party [de] Winchenesiel et de là environ ; car madame d'Engleterre et son hostel estoit en le conté d'Exesses en l'abéie de Liaus. Le roy d'Engleterre avoit grant désir de rencontrer les Espaignos , pour tant que orguelleusement il s'estoient maintenut contre luy et vanté que il estoient fors assés pour combatre le roy d'Engleterre et se puissance, syque le roy le voUoit esprouver.

Entrues qu'il estoit en ses batieaulx et que les mènes-