COMBAT NAVAL

treulx cornoient devant luy, et avoit fait porter à boire à ses chevaliers , la gaite de sa nef qui estoit sur la hune , regarda devers Flandres et veit venir ces Espaignos en graut flote. Sy dist tout hault : « Vecliy l'armée des Espai- « gnos. » A ches mos , le roy fist armer sa navire et mettre en bonne ordenanche , et chascun seigneur à par luy et en bataille. Là estoit messire Robert de Namur , qui fu ordonnés de par le roy d'Eugleterre à estre mestre de se salle. Evous les Espaignos qui aprochoient de grant fachon, et s'en fussent bien allé et party , se il volsissent sans combat ; mais pour l'orguel d'iaulx il ne daignèrent. Le roy d'Eugleterre tout prumiers volt assambler à yaulx et s'en vint hurterà une nef d'Espaigne, et se donnèrent grans horions d'encontre , tant que le nef du roy fut trauée et faisoit iaue, mais le roy adont n'en seut riens, Sy dist le roy : « Akro- « kiés ma nef à ceste : se le voel avoir. » Sy chevaliers respondirent et ly dirent : « Vous ares milleure. » Sy passa ceste nefs oultre , mais elle paia son passaige à aller , car le castieau de la [nef] du roy consiévy le chastiel de la nef espaignolle de telle fachon que il le reversa en la mer, et y ot plus de quatorze hommes qui dedens estoient, qui furent tout noies. Adont commencha la bataille de toutes pars , et fut sur le vespre que tost fist brun, A la seconde nef qui passa devant le roy, fut la nef du roy acroquie, et le conquist par forche , et fu dit au roy : « Sire , entrés en ceste « nef; vous l'avés conquise , et s'est bonne et forte , et le a vostre fait yeaue, » Le roy crut [che] consail. Sy entra ans, et toutes ses gens, et tantost celle d'où il se party, fut effondrée. Et d'aultre part les contes et les barons se combatoient , chascun seigneur desoubs sa banière et en son vasseil. Li aulcun Tavoient bien party , et li aultre non.

Vray est que le prinche de Galles fu là en grant péril ; car sa nef estoit arestée etacrokie de deus nefs d'Espaigne,