DE WINCHELSEA

qui fort le travilloient et se mettoient en paine pour l'effondrer , et l'euissent fait sans faulte , quant le conte d'Erby vint celle part atout sa cherge de nefs et de barges qui rescourent la nef du prinche son cousin par son enseigne. Sy furent tantost chil Espaignos qui là estoient , desconfis , mors et noyës, et le prinches délivrés de che péril. La cause paraille avint à messire Robert de Namur ; car se nef le Salle du Roy fut ancrée et acroquie de deus Espaignos, et l'enmenoient leur chemin et passèrent devant la nef du roy, et fut adont cryet : « Rescoués, rescoués la Salle du « Roy 1 » Mais il ne fut point entendut , et euissent esté perdus , car jà estoit tart et bas vespre , quant ung varlet dudit messire Robert s'avancha de faire une grant appertise d'armes ; car , quant il vit que leur nef en estoit de forche menée , il prist son espée et sally en la nef des Espaignos , et maulgré yaulx copa le cable qui portoit le single , par quoy il chéy jus, et ne peult aller plus avant. Par celle condition furent-il desconfis, et la Salle du Roy et messire Robert sauvés.

Là eult contre ce soir grant bataille et dure ; car sur mer Espaignos sont malle gent , et ont grans vasseaulx et fors, et chil bateaulx estoient tout à l'eslite et bien proveus d'artillerie , et jettoient, en passant ou en restant et en combatant, chil Espaignos de leur nefs grandes pierres de fais et gros bareaulx de fer qui moult travilloient les Englès. Nonobstant che , les Englès s'y esprouvèrent et se combatirent sy bien et sy vaillauraent que la journée leur demoura , et conquirent quatorze nefs espaignoUes et l'avoir qui estoit dedens, etly aultres passèrent oultre, qui se saulvèrent , et che leur ayda moult que il avespry ; car aultrement il eussent esté tous perdus. Sy s'en retournèrent le roy englès et ses gens et leur conqueste en Engleterre ; et vinrent ly pluiseurs à l'ostel madame la royne , et par