LE SIUE DE BEAU JEU

tenir che que acordé estoit. Le roy leur respondy douchement que il tenoit bien à bon ce que ses gens en avoient ordonnet , et encores leur fist le roy une grant courtoisie ; car, pour ce qu'il savoit bien que la ville estoit fort afeblie de vivres, il leur en fist avoir assés et tant qu'il n'eurent nulles mésaises, dont il luy en seurent grant gré et mieulx l'en amèrent. Le terme passa, nuls ne vint pour lever le siège, et le seizième jour le roy Jehan entra en la ville à grant foison de trompes et de nakaires et de toutes ménestrandies, et le rechurent les bourgois liement et ly jurèrent féaulté , comme à leur droit seigneur, et se partirent les Englès qui dedens estoient de par le roy d'Engleterre, sans damaige et sans péril, et le roy demoura là environ quinze jours, et puis s'en party et revint en Franche.

Après le conqueste de Saint-Jehan-d'Angély, qui se rendirent au roy Jehan de France, il envoia en garnison à Saint-Omer son sénescal monsigneur Edouart signeur de Bieaugeu, vaillant chevalier ; car le roy avoit entendu que le roy englès avoit mis en garnison en la ville de Calais grant foison de gens d'armes et d'archiers, desquels messire Jehan de Biaucamp estoit souverain capitaine. Sy ne volloit pas que le pais fust courut , ne pilliet, qu^il ne euist gens pour le garder et defFendre. Avecq ledit marisal estoient de seigneurs raessire Guichart de Bieaugeu, ses frères et bons chevaliers, le conte de Porcyen, messire Guillame de Bourbon, le sire de Bavelinghen, messire Bauduin de Cuvillers et pluiseurs aultres chevaliers et escuiers, et sy avoit bien V" bringans à pavais, dont Ambrose Bonnefîn et George de Pistoie et Franchois de Rose estoient meneurs et capitaines. Sy gardoient et defFendoient le pais à leur pooir. Sy chevauçoient une fois devers Calais, pour