LE COMTE DE GUINES

Après le desconfîture, les Franchois retournèrent à Saint- Oraer, et enmenèrent leurs prisonniers monsigneur Jehan de Biaucamp et les aultres, et rapportèrent le seigneur de Biaugeu tout mort, dont che fu pité, et monsigneur Guichart son frère moult fort navré, et ensevelirent les mors et entendirent à navrés.

Assés tos après fut fait un escange de monsigneur Jehan de Biaucamp et d'un aultre chevalier englès que en nommoit messire Olivier de ClifFort pour monsigneur Gui de Nelle, mariscal de Franche, et pour monsigneur Ernoul d'Audrehem. Sy s'en râlèrent cils chevaliers à Calais, et li aultres revinrent en Franche. Sj fu assés tos après esleu messire Ernoul d'Audrehem à estre marisal de Franche, en lieu de monsigneur de Biaugeu , et fu envoie à Pontorson ; car là avoit une grosse route d'Englès qui couroient le pais et venoient de le marche de Bretaigne. Sy se tint là messire Ernoul d'Audrehem ung grant tamps en garnison, et avoit grant plenté de chevaliers et d'escuiers qui gardoient et defFendoient le païs de Normendie à che costé.

Vous avés bien oy et sceu ou commenchement comment le conte de Ghines,connestable de Franche, fupris des Englès avec le conte de Tankarville en la ville de Kem, et comment il fu envoie prisonniers en Engleterre , où il aquist grant grâce du roy premièrement , de la royne , de tous les seigneurs , des dames et demoiselles ; car il estoit courtois , douls , larges et débonnaire et très-gracieulx et bien en manières , et luy avenoit trop bien à faire quanqu'il faisoit. Tant traita et esploita qu'il fist se ranchon envers le roy Edouart pour le somme de soixante mille escus , et eult congiet pour venir en Franche pour faire sa