EST MIS A MORT
finanche ou de retourner prisonnier sur sa foy créantée à ung certain jour. Quant il fu venus en Franche , il s'en ala par devers le roy Jehan , de qui il cuidoit estre moult bien amés , ensy qu'il estoit ançois qu'il fust rois. Sy l'enclina et le salua humblement , et cuidoit estre moult bien venus et raoult bien festiet pour tant qu'il avoit esté cinq ans hors du pais prisonniers. Le roy l'enmena seul en une cambre. Sy luy raonstra une lettre , et luy dist : « Veis- « tes-vous oncques ceste lettre aultre part que chy ? » Le connestable fut moult esbahys quant il vit celle lettre, et dist que non. Quant le roy le vit abaubit, il ly dist : « Ha ! « ha ! malvais traites , vous avés bien mort déservy ; sy « n'y faurés mie , par l'àme de mon père. » Sy le fîst tantost prendre par ses gens , et le fist mettre en prison en la tour du Louvre à Paris , là où le conte de Monfort fut mis, sycomme vous avés oy, etpuisedy ilraorut, che dist-on. Le roy jura Tendemain par devant les amis du connestable qui prioient pour luy , que jamais il ne dormiroit , se luy aroit fait coper la teste , ne jà pour ung , ne pour aultre il ne le lairoit , syque la nuit mesmes le connestable eut la teste copée en la tour du Louvre , sans loy et sans jugement , et le fist le roy faire de sa puissanche : je ne say se che fut à droit ou à tort , car de leur secret , ne de leurs parlers , ne de leur afaire , je ne voel mie parler trop avant ; j'en poroie bien mentir. Se vault mieulx que je m'en taise , que j'en die chose que j'en soie repris.
En che tamps et en celle saison avoit le roy de Franche delés luy ung chevalier que moult il amoit, lequel avoit esté noris avec luy d'enfanche, que en nommoit messire Caries d'Espaigne, et estoit son consillier de toutes choses et le créoit devant tous aultres. Et ne savoit che chevalier
292 MEURTRE DE CHARLES d'eSPAGNE.
riens deviser, ne convoitier, que le roy ne luy donnoit, et aiisy au voir dire il estoit larges et courtois entre les aultres chevaliers, et moult les compaignoit. Sy avint que le roy le fist connestable de Franche, et luy donna une terre qui longement avoit esté en débat entre le roy son père et le roy de Navarre, car elle estoit, sicomrne on disoit, du roialme de Navare, et avoit esté anchiennement , siques par l'ocoison de celle terre grant envie et hayne mouteplia entre che gentil chevalier et le roy Jehan meismes, d'une part, couvertement, et lejovène roy de Navarre et ses frères, d'aultre costé. Sy ne passa mie grant tamps que le roy de Navare et ses frères segnefièrent à messire Charles d'Espaigne qu'il se volsist déporter de leur hiretaige, ou aultrement il le tenroit pour son ennemy. Le chevalier qui se confloit en la puissanche du roy de Franche, s'escusa, et disoit que le terre lui venoit dou don dou roy, et, se le roy de Franche ly volloit oster, voUentiers le reuderoit arière et non aultrement. De cheste response et d'aultres pluiseurs ne se tenoient raie bien content ly enfès de Navarre, et tant se couva ceste hayne que le connestable de Franche estant ung jour à l'Aigle en Normendie, le roy de Navarre le sceut, sy envola sur luy plainement ung sien cousin qui s'apelloit le Bascle de Maruel. Chils entra en la chambre du connestable, sy prouveu de gens d'armes et de son fait qu'il ochist le dit connestable, et puis se party et s'en revint arière devers ses seigneurs les enfans de Navarre, auxquels il conta comment il avoit esploitiet, et chil en furent moult joieulx.
Quant le roy Jehan seult la mort de son connestable que tant amoit, et que le roy de Navarre l'avoit fait tuer, sy fu moult courouchiés et dist et jura qu'il l'acateroit moult chièrement, et se repenty trop que il avoit sa fille à mariage, Sy l'envoia tantost deflier, et mist gens d'armes à
