UNE TREVE EST CONCLUE

rencontre de luy en le conté d'Éwrues. Le roy de Navare et ses frères d'autre part prouveirent leurs villes et leurs chastieaux sy bien que tant à ceste fois il ne perdy riens, et ossy on ne leur fist mie trop forte guerre, car ung bons [moyens] s'ensonnia : che fu messire Guis, cardinauls de Boulongne, saiges prélas et poissans durement, cousins de l'un roy et de l'autre, et fu du pape Clément envoiet en Franche pour moienner de ceste besoigne. Dont, entreulx qu'il estoit à Paris, cheluy pape Clément trespassa. Sy fu le cardinal de Clèremont esleus pape, et fu appelles Innochens VP.

Cheluy cardinal de Boulongne esploita sy bien que unes trièves furent prises par accord entre le roy de Franche et le roy d'Engleterre à durer deux ans, et devoit chascun roy envoler en Avignon messaiges souffisans devant le pape et le collège, qui poissance aroient de confremer le pais, se on le povoit trouver par nulle voie. De par le roy de Franche y fut esleu princhipallement le duc Pierre de Bourbon, et de par le roy d'Engleterre le conte d'Erby qui s'apelloit adont duc de Lenclastre, car la terre luy estoit nouvellement revenue, et en avoit fait le roy d'Engleterre une duché.

Encore endementiers que ly cardinaulx de Boulongne estoit à Paris, le roy de Franche avoit saisy le conté d'Eu et de Ghines, et avoit donné le conté d'Eu à raonsigneur Jehan d'Artois, son cousin germain, et le conté de Ghines tenoit-il encore, et avoit rais dedeus le castiel de Ghines ung castelain escuier que on nommoit de Bielconroy. Dont il avint que messire Jehan de Biaucamp, qui estoit gardien