LE CHATEAU DE GUINES

et souverain de Calais, fist tant parlementer à che castelain de Ghines qu'il ly eult en convent de livrer le castiel à certain terme, et me samble que che devoit estre par nuit, quant tout les compaignons dormiroient, parmy une somme de florins, mais ne say quelle. Et l'argent fut payet, et ly castieaux livrés, et y vinrent chil qui entrèrent, par batiei et par derière sur les mares qui sont grant et large d'iauwe. Il n'y fait oncques sy socq qu'il n'y ait toudis plus de deux lieues d'ieaue de large. Les Englès entrèrent dedens baudement et trouvèrent tous les saudoyers qui estoient encores en leur lits. Il ne leur firent nul mal, car la chose estoit faite ensy, mais il leur disoient : « Or sus, « or sus, seigneurs, vous avés trop dormy , levés-vo, et sy « vidiés le castiel, car chéens ne demorrés plus. » Les sauldoyers furent moult esbahis, quant il virentces Englès en leur cambre entrer. Il volsissent bien estre en Jhérusalem, et lors s'armèrent et se partirent de laiens le plus tost qu'il porent, tout desconfis et barretés, et estoient entr'eaulx moult esmervilliés de ceste aventure. Sy se mespensèrent de che Hue de Bielcoroy, pour che que puis huit jours avoit esté plus de fois hors que acoustumés n'estoit les aultres fois, Sy le prirent, car il estoit adont avecques yaus, et li mirent sus le traïson, et oncques ne s'en seult escondire, ne escuser, et fut menés à Saint-Omer et délivré à messire JofFroy de Cargny, qui pour le tamps gouvernoit la ville de Saint-Omer et les frontières d'ileuc de par le roy de Franche, liquels fist mettre à mort che Hue de Bielcoroy seloncq la congnoissance qu'il fist.

Assés tost après la prise du fort castiel de Ghynes , les nouvelles en vinrent au roy de Franche et à son consail, liquels roy et tout les seigneurs de Franche en furent moult courouchiés , che ne fut pas grant mervelles , et réputèrent che fait par cause de trahison et de trièves