EST LIVRÉ AUX ANGLAIS

eiifraintes. Sy s'encomplaindy le roy audit cardinal de Boulongne , en disant que les Englès avoient les trièves rompues et efFraintes, qu'il avoit pourcachiet, par celle prinse inallesieusement faitte du chastiel de Ghynes. Le cardinal de Boulongne .envoia faire requeste audit monsigneur Jehan de Biaucamp que sans dëlay il rende le castiel de Ghines qu'il a pris es trièves, et les [a] brisies et enfraintes, et le chevalier respondy as dis messaigiers et dist qu'il pooit bien faire et dire chose qu'il leur plaisoit , mais il ne cremoit nul preudome du monde , que on ne peuist bien dedens trièves et dehors acheter et vendre pour or et pour argent hiretaige , castiaulx et fôrtresses , et syfaites coses sans trièves brisier et sans mesfaire. Sy demora la cose ensy que ue le peurent les Franchois amender tant que à celle fois.

L'an de grâce mil IIP LU devisa et ordonna le roy Jehan de Franche une belle compaignie grande et noble sur la manière de la Table-Ronde , qui fut jadis du tamps du roy Artus ens ou royalme de Logres , de laquelle compaignie dévoient estre IIP chevaliers , les plus soufissans du royalme de Franche, et devoit estre apellée la Noble Compaignie de l'Estoille , et devoit chascun chevalier de ladite compaignie porter tousjours une estoille d'or ou d'argent dorée ou de perles sur son deseurain vestement , pour recongnissanche de le Compaignie, Et eult le roy en convent défaire une belle maison et grande à ses despens dalés Saint-Denis , là où tout ly compaignons et confrères dévoient repairier à toutes les festes solenneuses de Tan, (chil qui seroient ens ou pais) , se il n'avoient aulcune songne qui les empeschast , ou au mains chascun an une fois , et devoit estre apellée le Noble Maison de l'Estoille.

^90 FONDATION DE l'oRDRE Db LÉTOILE.

Et ensy devoit le roy au mains chascune année tenir une court pîenière et de tous les compaignons. Et à chelle court devoit cascuns des compaignons raconter toutes les aventures sur son serment , ossy bien les honteuses comme les honourables qui avenues ly seroient dès le tamps qu'il n'avoient esté à le Noble Court. Et le dit roy devoit establir deus clers ou trois sur ses despens, qui toutes ces aventures dévoient mettre en escript et faire de ces aventures un livre ou deux, affin que ces aventures fuissent chascune année raportées en la plache pardevant les compaignons , par quoy on peuist savoir les plus preux et honnourer chascun seloncq chou qu'il feroit. Et ne pooit nuls entrer en celle corapaignie , s'il n'avoit le consentement du roy et de le plus grant partie des compaignons , et s'il estoit souffisant sans diffame de reproche. Et leur convenoit jurer que jamais il ne fuiroient en bataille plus loncq que de quatre arpens à leur avis , anchois moroient ou se renderoientprins, et que chascuns aideroitou secourroit l'autre à toutes ses besoignes comme loyaulx amis. Et [y ot] pluiseurs aultres estatus et ordenanches que tout ly compaignons avoient juret. Sy fu la Noble Maison presque faite , et encore est-elle assés près de Saint-Denis. Et quantchascun des compaignons devenroit sy vieulx et sy faibles qu'il ne pouroit plus aller aval le pais , il devoit avoir son manaige à ses frais en ladite maison , avecque luy deus varies, tout le cours de sa vie , se il y voUoit demorer, affin que ly compaignons sussent mieulx des termes.

Or avint que assés tost après ceste ordonnanche emprise que grant foison de gens d'armes yssirent hors de Engleterre et vinrent en Bretaigne pour conforter le contesse de Monfort et exsillier le pais qui se tenoit de la partie de messire Charles de Blois. Tantost que le roy de Franche le sceult , il y envoia messire Guy de Nelle son marisal et

PROJETS DU ROI JEAN CONTRE LE ROI DE NWaKRE. 297

grantfoisonde bonne chevalerie pour contrester aux Englès, et sy y alèrent grant foison de ces chevaliers qui estoient de le compaignie de FEstoille et de celle Noble Maison. Quant il furent venus en Bretaigne , les Englès firent sy soubtillement leur besoigne que par ung enbusquement qu'il firent, les Franchois qui s'embatirent trop avant follement , furent tous mors et desconfis , et y demora messire Gui de Nelle et d'Aufermont , dont che fust grant damaige , car il estoit vaillant chevalier et preu durement, et avoecq Iny y demorèrent IIIP" et X chevaliers de TEstoille , pour tant qu'il avoient juré que jamais ne fuiroient ; car , se ly sermens ne fust , il se fussent bien sauvés , et en morut ossy pluiseurs aultres pour l'amour de yaulx , qui se fussent bien sauvés, s'il n'euissent eu doubte que on leur eust reprouvé sur le tamps à venir. Ensy se deffy celle noble compaignie de l'Estoille , avecques les grans mesquiefs qui avinrent depuis en Franche assés tos après au roy Jehan mesmes qui chief en estoit , sicorame vous orés recorder en che livre.

Vous avés bien oy comment le roy de Franche haioit durement le jovène roy de Navarre et monsigneur Phelippe son frère pour le mort de monsigneur Charles d'Espaigne, qu'il avoit fait ochire. Geste hayne ne peult oncques yssir de son cuer, quelconque samblant que il monstra , mais tousjours pensoit à luy faire contraire et s'en descouvry à aulcuns de son consail. Ung jour s'avisa le roy de Franche qu'il le manderoit qu'il venist parler à luy à Paris à ung certain jour et qu'il ne le laissast nullement.

Or avint que dedens che mandement aulcuns du secret consail du roy de Franche s'en descouvry en confession au cardinal de Boulongne en grant bien et luy reghéy aulcune

i298 CONFÉRENCES POUR LA PAIX.

chose de l'intention du roy son seigneur, pour tant qu'il doubtoit que grant mal n'en venist. Quant le cardinal entendy che que le roy Jehan avoit voUenté de faire, il le list sçavoir au roy de Navare, son cousin, tout secrètement qu'il ne venist mie au mandement du roy, car il doubtoit que mal ne l'en venist, siques par che point le roy de Navarre ne y venist point au jour ; mais il se tint tous garnis et prouveus en le conté d'Éwrues, pour attendre le roy de Franche ou ses gens, se il le volloient quérir. Quant le roy de Franche vit che, il fu moult courouchiés et ymagina et apensa que messire Robert de Lorris avoit revellé son consail et che qu'il voUoit faire. Sy en fut le dit messire Robert ung grant tamps en le mallevolence du roy, et l'en convint vidier du royalme de France.

En che tamps revint le cardinal de Boulongne en Avi gnon, et assés tos après y vinrent le duc Pierres de Bourbon de par le roy de France à moult bel estât et bien acompaigniées de chevaliers de Franche et de grant consail, et, de par le roy d'Engleterre, le duc Henry de Lenclastre ossy en très-grant trionfe. Et furent en Avignon bien dix sepmaines pour traitier, et parlementèrent présent le pape Inuochent VP et le Saint-CoUiége de Rome, que pais et acort fust mise et faite entre les deux rois, mais on n'en y peult point trouver. Sy s'en partirent finallement, et râla cascuns en son païs : ce fut environ après Pasques, et à le Saint-Jehan-Baptiste ensiévant devoit fallir le respit entre le roy de Franche et le roy d'Engleterre.

En che meismes tamps vint le roy de Navarre en Avignon, et se complaindy au pape et à aulcuns cardinaulx du

ALLIANCE d'Edouard m et du roi de navarre 299

roy de Franche, qui ensy le liayoit, et se luy sambloit qu'il ly faisoit grant tort. Après che se party le roy de Navarre et s'en revint en son pais ; mais il parla au conte de Fois, son bieau-frère, et ly remonstra toutes les besoignes, et fist tant que le conte de Fois fut de son acort pour guerrier le conte d'Erminac, et luy porta pluiseurs damaiges ; car il le souppeçonnoit qu'il avoit infourmé le roy de Franche contre le roy de Navarre. Ossy le conte d'Erminac se porta et deffendy assés bien contre le conte de Fois, et eulrent ung grant tamps pluiseurs guerres et envaïes l'un contre l'autre.

Quant le roy de Navare eult esté et visseté son royalme de Navare bien ung an , il entendy que le roy de Franche avoit envoyet puissance de gens d'armes sur les frontières d'Éwrues pour ardoir et essillier son pais. Sy se mist le roy de Navare en mer atout grant foison de gens d'armes , et ariva en Normendie à Chierbourch , qui se tenoit pour luy. Sy pourvey ses fortresses du mieulx qu'il pot pour contrester contre les Franchois.

Assés tost après s'apensèrent les deus frères de Navarre qu'il s'alieroient au roy d'Engleterre , pour estre plus fors en leur guerre, ou cas qu'il ne pooient avoir pais au roy de Franche , et eurent chertaines convenanches ces deux roys ensamble. Et devoit le roy d'Engleterre , la saison après, à grant puissance de gens de gherre arriver en Normendie sur le pooir du roy de Navarre et par là entrer en Franche. Et bien supposoit le roy de Franche aulcune cose, dont affin qu'il fust plus fors et mieulx amés en Normendie et que plus y euist d'amis, il pardonna à sire Godefroy de Harcourt tout son mautalent et cheulx que son père le roy y avoit eus, et ly rendy toute sa terre de Constentin. Et revint ledit messire Godefroy en Franche , en grant honneur, et y fut moult conjoys de tous les seigneurs et les barons de Normendie , où il avoit moult grant linage.

ôOO LE PRINCE DE GALLES

Etisy se démenoient ces choses couvertement , et avoit le roy Jehan encuelliet en grant hayne les enfans de Navarre, etn'estoit nuls qui enpeuist faire le pais. Et quant che vint en may l'an mil IIP LV , le roy d'Engleterre tînt une moult grosse feste et moult noble en la cité de Londres. A chelle feste eult moult grant foison de chevaliers et de seigneurs, de dames et demoiselles, et dura la feste quinze jours, et y eult moult de belles joustes et belle feste de tous poins. En fin de la feste , il y eult grant parlement, et y fu messire Phelippes de Navarre, qui parconfrema les alianches du roy son frère au roy d'Engleterre ; et eult le roy englès en couvent audit monsigneur Phelippe que moult efforchiement à la Saint-Jehan-Baptiste ensiévant se meteroit en mer et yroit prendre terre en Normendie sur le pooir du roy de Navare , et le roy de Navare ]y devoit délivrer ses fortresses qu'il tenoit en Normendie pour mieulx grever Franche et constraindre ses ennemis.

Encore fu là ordonné 1y mariage du jovène conte Jehan de Monfort et de l'une des tilles du roy d'Engleterre , parmy tant que le roy d'Engleterre eult en couvent audit conte qu'il luy ayderoit à poursiévir sa guerre en Bretaigne contre le femme à monsigneur Charles de Blois , qui s'en tenoit hirtière et qui moult forte y estoit de villes , de cités et de fortresses , et ossy de grande baronnie et de bonne chevallerie [de] Bretons qui estoient de son acord, et y faisoit tondis la dame bonne guerre et forte , quoyque son raarit messire Charles de Blois fust prisonniers en Engleterre.

Encore celle feste durant fu ordonnet que le prinches de Galles, ainsnés fils au roy englès, qui jà estoit bieau chevalier , saiges et courtois et entreprendant , s'en yroit

EST ENVOYÉ EN GASCOGNE. ÔOl

en Gascongne, et seroit là chief de la guerre de par le roy son père, et enmenroit avecques luy II" hommes d'armes et VI™ archiers, et che fu acordet à le requeste et prière d'aucuns barons de Gascongne, qui là estoient venu veoir le roy leur seigneur, tels que le seigneur de Labreth , messire Jehan de Pumiers , messire Elles de Pumiers , le sire de Lespare, le sire de Chaumont, le sire de Muchident et messire Aymon de Tharse. Et furent ordonné et nommé lesquels seigneurs d'Engleterre yroient avecques ledit prinche , premiers le conte de Wervich , le conte de Sallebris , le conte de SufFort , le conte d'Asquesufort, messire Renault de Gobehem, messire Richart de Stanfort, messire Jehan Candos , qui jà estoit ung moult bon chevalier et des plus renomés de sens et de proesche et d'eur et de fortune d'armes de toute Engleterre : ossy le sire de le Ware , le sire de Willeby, messire Guillame Fils-de- Wervic , le sire de Despensier et sy doy frères Thomas et Hues , qui devienrent chevaliers en che voyage , le sires de Felleton , messire Berteraieulx de Bruch , messire Estiévènes de Geusenton , le sire de Bercler , le sire de Briseton, messire Noël Loruich, messire Richart de Pontcardon , messire Daniel Pasele , messire Denis de Morbecque , messire Ustasse d'Auberchicourt , messire Jehan de Gistelles et pluiseurs aultres , que je ne puis mie tout nommer. Dont environ le Saint-Jehan tout ches seigneur chevaliers et toutes gens d'armes et archiers se partirent d'Engleterre , et montèrent à Hantone bien pourveu de gros vaisseaulx et de belle navire, et allèrent devers Gascogne.

Or lairons-nous à parler d'eaulx pour ceste fois et du prinche de Galles et de son armée. Si y retournerons quant tamps et lieu sera. Et parlerons du roy d'Engleterre et comment il persévéra de ses besoignes, et de l'armée

302 EDOUARD m s'embarque

qu'il mist sus pour le roy Charles de Navarre, pour ariver en Normendie.

Vous avés oy alcune fois des convenenches qui furent entre le roy de Navarre et le roy d'Engleterre. Lors fist le roy d'Engleterre ung très grant-mandement de barons et de chevaliers d'Engleterre et une très-grant assamblée de navires et de vaisseaulx sur la rivière de Tamisse et très-bien pourveus de tout che qu'il leur falloit pour une sy grant ost que il entendoit à admener dechà la mer , et comme il fist. Quant se navire fut toute aprestée et toutes ses gens d'armes et archiers assamblés , il montèrent en mer sur le rivière de Tamisse , cascuns seigneur par se connestablie et par ses vasseaulx, et po voient bien estre avecques le roy III'" hommes d'armes , X" archiers et V"" hommes de piet, Gallois et aultres qui ont usaige du suir les guerres. Là estoient des seigneurs englès avecques le roy le duc de Lenclastre, son cousin, et ung des fils du roy que on apelloit Jehan conte de Richemont, et povoit estre en l'eaige de seize ans, le conte de Pennebrucq , le conte d'Arondel , le conte de Noranthonne, le conte de Kenfort, le conte de Cornuaille, le conte de la Marche, le sire de Persy, le sire de Ros, le sire de Grisop, le sire de Noefville, messire Richart de Pennebruge , l'évesque de Lincolle et chils de Durem, le sire de Moubray , le sire de Fillvatre , messire Gautier de Mauny, le sire de Multone, messire James d'Audelée, messire Pierre d'Audelée , ses frères , le sire de Lantonne et pluiseurs aultres barons et chevaliers bien en point de servir le roy. Sy se partirent du havre de Londres sur le Tamise et vinrent à chelle première marée gésir à Gravesande et l'enderaain au soir à Margate. Quant il se furent de là désan-