POUR DESCENDRE EN FRANCE

crés , à l'autre marée il entrèrent en mer, et costièrent Engleterre et Boulongne et tout le Pontieu. En aprochant le Normendie , bien estoient veu des costes de Franche , mais mies ne sçavoient quelle part il volloient traire.

Dont ces nouvelles furent raportées au roy de Franche et à son consail que le roy d'Engleterre à plus de deux cens vaissiaulx, que uns, que aultres, estoit sur mer et prendoit le chemin de Normendie. Sy vinrent aulcun grant seigneur de Franche, tels que le duc de Bourbon, messire Jacques de Bourbon , ses frères, le duc d'Athènes, connestable de Franche, le conte d'Eu, messire Jehan d'Artois etpluiseurs aultres grant seigneur du consail du roy, qui seurent les convenenches et les traitiés qui estoient entre le roy d'Engleterre et le roy de Navarre. Sy considérèrent que parmy chel acord le roialme de Franche pouroit estre destruit. Sy parlèrent au roy Jehan et ly remonstrèrent tant de raisons souffisans qu'il convint qu'il s'enclinast à leur conseil , combien que che fust contre son coraige, et luy dirent par grant expérience et très-pourveument que ses roialmes estoit en grant branle et en grant péril , et qu'il valoit mieulx qu'il [souiFresist] meskief du roy de Navarequi avoit sa fille espousee, que il soufTresist que son royalme fust gastés, ne exilliés par son desdaing. Le roy Jehan , qui estoit moult Imaginatif, considéra que ses linaiges et ses consaulx ly remonstroient vérité. Sy descendy à leur entente , et furent envoiet devers le roy de Navare l'archevesque de Sens et le conte de Sallebruges pour traitier de accord et de le pais, lesquels traitiés ne furent si tos fait, ne pourparlet ; car le roy de Navarre qui sentoit le roy d'Engleterre sur mer , ne le voUoit acorder, se il n'avoit en partie toutes ses ententes.

Or esquéy ensy, entrues que chil traitieur aloient de l'un à l'autre, que le roy d'Engleterre et toute sa navire gisoient à l'ancre encontre l'ille de Grenesie, et avoient le vent sy contraire que il ne pooient aller avant, ne ariver, et furent bien en cel estât six sepmaines, sans yaulx mouvoir de là et ne ooient nulles nouvelles du roy de Navarre : de quoy les Englès et le roy estoient tous esmerviiliés. Mais ledit roy de Navarre s'ensonnioit ailleurs et tiroit à avoir pais au roy de Franche parmy le demande qu'il demandoit. Tant fut traitié et parlementé entre le roy Jehan de Franche et le roy de Navare que une journée fut prinse de faire l'acord entre Paris et Evreus, et convint adont que le roy de Franche venist hors de Paris pour parlementer au roy de Navare. A che parlement fut acordet que le roy Jehan renderoit au roy de Navarre toutes les terres qu'il avoit devant donné à monsigneur Charles d'Espaigne , pour quoy il fut ochis et dont le haine venoit, et ly rendy tous les hirtaiges et les proufls que il et le roy son père en avoient levet par l'espasse de vingt ans, qui povoit monter plus de six-vingt mille florins, et parmy chou bonne pais [y seroit]. Et devoit estre le roy de Navare estables de dont en avant au roy Jehan et au royalme de Franche , et contremander les conveuanches du roy d'Engleterre , toutes telles qu'il les i a.voit. Et encores avecq che le roy de Navare et ses frères povoient chevauchier par tout le royalme de Franche atout cent bachinès ou cent glaves sans mesfaire, s'il leur plaisoit. Et toutes ces choses ordonnées et conformées et saillées , le roy de Franche retourna à Paris, et le roy de Navare et ses frères retournèrent à Evrues, et donnèrent congiet le plus grant partie de leur gens d'armes, et envolèrent messaigiers soufisant devers le roy d'Engleterre yaulx escuser des alianches et convenanches qu'il avoient ensamble, et que bonne pais