AVEC LE ROI DE NAVARRE

estoit entre luy et le roy de Franche. Quant le roy d'Engleterre entendy che, sy fu tous courouchiés ; mais il n'en peult aultre chose faire. Sy retourna en Engleterre au plus tost qu'il peult, et y remena toute se grosse navire et ses gens d'armes, mais il ne donna à nuUuy congiet, car il les supposoit bien à eraploier où que che fust.

Environ le Saint-Jehan l'an mil IIIc LV se party de rechief le roy englès et toute se navire et le cberge de gens d'armes qu'il avoit quant il deut ariver en Normendie , et vint ariver à Calais où il fut recheu à grant joie, et demora là environ trois jours, pour mettre les chevaulx hors des nefs et tout le harnas. Le roy Jehan de Franche bien sentoit que le roy englès avoit grant puissanche chelle saison sur mer, et pensoit bien que il le emploiroit, où que che fust, au mieulx qu'il pouroit. Sy se tenoit ousy tout garnis de gens d'armes, et sceult tantost par ses garnisons de Boulongne et d'ailleurs que le roy d'Engleterre estoit arivés à Calais. Lors fîst ung moult grant mandement à estre à Amiens ; car il voloit aler à rencontre du roy d'Engleterre et defFendre son pais. Sy envoia ledit roy monsigneur Lois de Namur, son cousin , à Saint-Omer, atout IP lanches pour estre capitaine de ladite ville et des frontières par delà. Et envoia son marisal messire Ernoul d'Audrehem en la bastille d'Ardre atout IV armes de fer pour le garder et defFendre à tous venans. Et envoia le jovène conte de Saint-Pol en la chitë de Tërouanne, atout IT lanches pour le garder , et le garny bien soufîsamment et Boulongne et Monstreul , Hesdin , Saint-Pol et toutes les fortresses de là entour. Et le roy meisraes se party de Paris , et le duc de Normendie, son fils, le duc d'Orliens, ses frères, le duc de