XVII. — FROISSART

306 EDOUARD m

Bourbon, le conte de Ponthieu, le conte d'Eu , le conte de Dammartin, le conte de Tancarville, le conte de Vaudemont et de Genville , le conte de Monpensier et de Ventadour, le conte de Nerbonne et pluiseurs aultres barons et seigneurs , et chevauchèrent devers Amiens ; et d'autre part vinrent de l'Empire messire Jehan de Haynau , sire de Biaumont et de Chimay, en très-grant aroy , car le roy Jehan l'amoit durement et avoit en luy très-grant fiance , et y vint le conte de Namur nommé Guillarae, le conte Jehan de Nanso, le conte de Clèves, l'évesque de Mes , révesque de Verdun et grant foison de chevaliers d'AUemaigne ; et d'autre part se asambla le roy de Navare , ly troisième de ses frères messire Phelippe et messire Lois , atout grant foison de saudoiers pour venir à Amiens où le roy de Franche faisoit son mandement.

Sy se party le roy d'Engleterre de Calais en moult grant arroy , et avoit adont avecque luy deus de ses enfans monsigneur Lois ' et monsigneur Jehan, et le duc de Lanclastre, son cousin, le conte de Norhantone et de Herfort, le conte d'Arondel, le conte de Pennebourcq, le conte de Renfort et le plus grant partie des contes et des chevaliers qu'il avoit quant il cuida ariver en Normendie sus le povoir du roy de Navare. Et estoit connestalile de toute son armée le conte de la Marche, et mariscal le sire de Noefville et messire Jehan de Bieaucamp. Sy vint le roy englès che premier jour entour Fiennes, et y eult ung très-grant assault au castiel ; mais riens n'y fourfirent , car il estoit bien garny de bonnes gens d'armes qui bien le tinrent et defFendirent, tant qu'il n'y perdirent riens. Adont s'en partirent les Englès en celle entente que pour venir devant la chité d' Arras et le asségier, se le roy n'ot

' Lisez : Lyon.

ENVAHIT l/ ARTOIS. 307

aultres nouvelles. Sy chevauchèrent l'endemain devers Saint-Pol-en-Ternois, et coururent les coureurs des Englès environ Monstreul, mais point ne passèrent la rivière , et s'en vint le roy englès atout son ost logier à Blangy delés Hesdin, et là se tint tout cois sans aler plus avant ; car il entendy que le roy de Franche estoit à Amiens et faisoit là son asamblëe de gens d'armes.

Or vous lairons ung petit à parler du roy d'Engleterre et de son armée. Sy vous parlerons des Escochois et d'une hardie emprise que les seigneurs d'Escoche firent, entreus que le roy d'Engleterre estoit en Franche.

Messire Guillame Douglas , che bon chevalier , faisoit guerre toudis as Englès , quoyque le roy d'Escoche fust prisonniers , et estoit ensy que chief de tous les Escochois, et se tenoit en le forest de Gedour. Sy avoit avecque luy pluiseurs chevaliers et escuiers, vaillans hommes d'armes , dont bien se povoit aydier , et faisoit souvent maintes courses sus les Englès et y gaignoit à le fois. Et avoit jà repris et reconquis, depuis le prise du roy d'Escoche, sur les Englès jusques à sept bonnes fortresches.

Or entendy ledit messire Guillame que le roy d'Engleterre estoit oultre passés à Calais sur entention de guerrier François , et avoit tout son povoir avecques luy , parmy che que le prinche de Galles en avoit mené une grant partie en Gascongne. Sy dist en soy-meismes qu'il volloit resveiller ses ennemis. Sy s'avisa où premier il feroit son emprise , et s'en descouvry à son serouge qui sa seur il avoit , le conte de la Mare , et à ung sien cousin monsigneur Archibault Douglas , vaillant homme, et leur dist qu'il avoit aviset d'esquieller et de prendre par fait d'armes tout en une nuit le bonne chité de Bervich et le castiel de