GUILLAUME DE DOUGLAS
Rosebourcq, qui jadis fu de leur yretaige. Chil deus chevaliers et messire Robiert de Versy avecques yaulx s'y acordèrent , et deubt ledit messire Guillames Douglas et messire Archebaus, son cousin, avecques leur route, venir à Bervich , et le conte de la Mare et messire Robert de Versy allèrent à Rosebourcq en celle meismes nuit , et sy ordonnèrent sy bien leur besoigne et sy couvertement que il [se] mirent de jour en leur enbusque , et le dit messire Guillames et son cousin messire Archebaut se boutèrent en ung bosquet assés près de le cité de Bervich sans che qu'il fuissent de nuluy apercent, et là se tinrent jusques à bien avant en la nuit, et pooient [estre] environ IIIP hommes de guerre. Sy se partirent de leur embusque environ minuit, et vinrent tout coiement jusques à Bervich, etenvoièrent devant trois de leurs variés pour sçavoir se chil de Bervich faisoient point de gait sur les murs. Ils raportèrent à leur mestre que nanil. Adont s'avanchèrent-il , et il vinrent sur les fossés, et avoient eschelles cordées. Sy passèrent oultre les fossés, en portant leurs eschelles au plus foible lieu et où il n'y avoit point d'eaue , et jettèrent leurs eschelles et montèrent contremont, et entrèrent en la ville environ IV , et vinrent tout coiement à la porte , que cil de la cité ne s'en perchurent riens, jusques à tant que de haches et de cuignies il busquèrent au fiaiel pour le coper. Aulcuns gens qui estoient en leurs lis , se esveillèrent pour le busquement, et se levèrent et vinrent à leur fenestre , et se commenchèrent à estourmir ; mais, anchois qu'il fussent levés et armet, ne asamblé, le porte fut ouverte par forche , et tous les Escochois entrèrent dedens la ville, et décopoient tous cheulx qui encontre eulx vinrent à main armée , et feyrent tant qu'il furent maistre de la cité et que les bourgois se rendirent à yaulx, saulve leurs vies et leurs biens ; mais ils ne porent avoir le castiel,
s'ëupakë de bëkvvick. 509
qui est assés près, car le gait oy le noise, sy esvilla le castelain et les compaignons qui gardoient le dit chastiel , et jamais de forche les Escochois ne le euissent eut.
Or vous dirons de leurs aultres compaignons qui dévoient Rosebourch esceller. Il ne demora mie en leur défaulte qu'il ne fesissent leur aproches saigement ; mais il fallirent, car le gait dudit chastiel veilloit et s'apoioit à crestieaulx , [ensi] qu'il les virent sus les murs dudit chastiel. Sy entendy le bruit des Escochois murmurer ensamble. Sy coury moult tost esvillier le chastelain et les compaignons de laiens, et se pourveirent de leur fait et vinrent as garites. Quant les Escochois les virent, il retournèrent arière tout esbahy et virent bien que il avoient fally à leur emprinse. Sy se retirèrent devers Bervich et trouvèrent messire Guillame Douglas et leur compaignie qui tenoient la cité comme le leurs. Sy en furent tous joieulx. Sy prirent consail ensamble qu'il aségeroient le dit chastiel. Sy l'aségèrent de tous costés, car à l'un des lès il marchistà le ville.
Ches nouvelles vinrent en Engleterre que les Escochois avoient reprins Bervich. Sy en furent les Englès moult courouchiée , mais amender ne le pourent tant que à celle fois. Or revenons au roy d'Engleterre, qui estoit à Blangy delës Hesdin.
Entrues que le roy englès estoit à Blangy , coururent ses marisaulx ens ou pais de Ternois et d'Artois , et vinrent à Saint^Pol, et y eult ungj our moult grant assault ; mais chil qui dedens estoient , le gardèrent bien et vaillaument et tant que les Englès n'i firent point de damaige.
Or avint que sur ung soir ung bon chevalier de Franche, qui s'appelloit messire Bouchicault et estoit prisonnier au roy englès et recrut sur sa foy (et venoit adont de l'ost
310 EDOUARD m
du roy de Franche) , sy vint devers le roy d'Engleterre pour iuy remettre en se prison, sycomme droit estoit. Quant le roy englès le vit venir, sy le rechut moult honnourablement et ly dist : « A bien viengne messire Bou- « chicault ! » Adont l'enclina le chevalier moult humblement, sycomme chils qui bien le savoit faire. Lors se tira le roy devers Iuy, et commencha à parler de pluiseurs choses et sy avant qu'il Iuy demanda du roy Jehan et où il estoit , ossy pourquoy contre Iuy ne venoit, quant il le sentoit logiet en son païs. Messire Bouchycault en respondy moult avisément, et dist : « Monseigneur le roy « mes sires est à Amiens ; mais de che qu'il ne vient con- « tre vous , riens ne say-jou, car je ne suis pas de son « secret conseil, pour quoy je le doie sçavoir, » Adont se tint le roy englès et pensa une longhe espasse, et puis dist : « Messire Bouchicault, messire Boucicault , je say « bien que, se je vous volloie presser, je aroie bien de vous H une raenchon de trois ou de quatre mille escut. Or vous « diray que vous ferés. Vous en yrés de matin devers « vostre seigneur le roy mon adversaire , et Iuy dires de « par moy que je l'ay chy atendu trois jours entiers, et « encores l'atendray trois jours s'il se voelt traire sur les « camps pour nous combatre, et se response vous me « fairës savoir par ung hérault des nostres que je vous « cergeray à vostre département ; et parmy tant que vous « ferés che messaige bien et deuement ou non de nous, je « vous quiteray vostre foy et vostre prison. » Le chevalier fut moult joieulx de ceste parolle. Sy respondy : « Monseigneur, vostre bonne merchy, et je feray mon « devoir. » Celle nuit souppa messire Bouchicault avoecq le roy , et l'endemain il se party, ung hérault o Iuy, que on apelloit Faucon. Sy chemina tant qu'il vint à Amiens où le roy Jehan estoit à moult grant peuple. Sy fist ledit
REISTRK A CALAIS. 311
chevalier son messaige bien et à point, et recorda au roy et as seigneurs quelle courtoisie le roy d'Engleterre lui avoit [faicte] pour furnir son messaige. Le roy et les barons de Franche furent tous lies de le quitanche de monseigneur Bouchicaulx. Sy respondirent que voUentiers il^en feroient response. La response du roy fut telle par Faucon le hërault qui le reporta arière , que c'estoit bien l'intention du roy de Franche que de aller devers ses ennemis et plus avant, mais que ses gens fussent tout venus qu'il avoit mandet, et que le roy englès ne retourneroit jà en Engleterre qu'il ne fust combatus, s'a luy ne demoroit. Quant le roy d'Engleterre et son consail eurent oyt les responses des Franchois, si eurent conseil que d'iaux [ne] plus atendre , mais se deslogèrent sur intention que de retraire vers Calais, et se partirent et prirent le chemin de Tërouanne.
Sy tost que le roy de Franche sceut que le roy englès estoit deslogiet et qu'il se tiroit et retraioit arière , il se party de la ville d'Amiens et s'en vint à Aras , et fîst commandement que toutes manières de gens à cheval et à piet le siévissent , et envoia devant son connestable messire Jaques de Bourbon en le chité de Tërouanne , atout IIP lanches pour le garder contre les Englès , se nul assault y faisoient. Le roy englès et son ost , yauls party de Hesdin et de là environ , chevauchèrent et passèrent assës priés de Tërouanne , mais point n'y assallirent ; car il entendirent que elle estoit garnie de bonnes gens d'armes. Sy passèrent les Englès oultre et vinrent logier droit à Alekine et sus celle rivière qui keurt desous le castiel de Wavrans et qui vient à Arques. Et messire Ernoul d'Audrehem , marisal de Franche, atout V compaignons bien montés, les poursiëvy et se loga celle nuit moult près d'ieaulx sur le mont de Herfault , et tant qu'il veoient bien l'un
