CHEVAUCHÉE DU PRINCE DR GALLES

glès, anchois fist abatre les bieaus fourbous de la cité, où bien avoit trois mille maisons, pour le doubte des Englès qu'il ne se y venissent bouter, car point n'y avoit de fremeté, et fist tantost lettre escripre et messaigiers monter pour segnefier Testât des Englès à monseigneur Jaques de Bourbon, connestable de Franche, qui se tenoit à Limoge , et là faisoit son assemblée de gens d'armes pour aler contre les Englès et deffendre le païs ; mais anchois, qu'il y peuist parvenir, ly Englès et ly Gascon eurent villainement escardé le bon païs de Toulousain, le sénescaudie de Carquasonne, le terre de Limous et le viesconté de Nerbonne, sycomme vous orés chy-après.

Quant le prinche de Galles et son ost eurent passet la rivière de Géronde au pont Sainte-Marie, et il furent entrés au païs toulousain, il commenchèrent à courir et à essillier le pays, et entendirent fort au pillier et à reuber, et coururent les coureurs jusques as barrières de Toulouse, et y firent une très-belle escarmuche, et chevaucha le prinche et son ost assés près de la ville, et prist ung chemin où oncques mais n'avoient esté, et vinrent à Mont-Giscart, à trois lieues de Toulouse, une bonne ville et grosse, mais elle n'estoit point fermée, fors que de murs de terre. Sy fu moult tos conquise et pillie etrobée,et là logèrent-il celle première nuit. L'endemain il ardirent tout le païs d'environ, et estoient li marisal de l'ost le conte de Wervich et messire Jehan de Caumont, de Gascongne, car les Gascons les conduisoient, quicongnisoientlepaïs. [Sy vindrentj àCastel- Noef-d'Aury, une bonne ville ; mais elle estoit povrement fremée contre telle gens d'armes. Sy le conquirent par assault, et fu toute robée et pillie , et y conquirent chil qui y entrèrent grant avoir, et ardirent tout le païs d'environ, et vinrent loger à Bignolet celle nuit. A l'endemain, il vinrent logier à Avignolet ; car il y avoit moult grosse ville