CHEVAUCHÉE DU PRINCE DE GALLES

l'endemain il eurent l'asault sy fort et si dur, et sy le convoitoient Englès et Gascons à gaignier pour le grant avoir qu'il y pensoient trouver, et ossy le passaige de le rivière qu'il volloient là avoir, et sy ouniement tiroient les archiers à cheaulx qui les garites deffendoient, que il n'avoient loisir d'entendre à [yaulx] defFendre, et furent ly pallis rompus et ly murs de terre effondrés, et entrèrent ens abandonnément Englès et Gascons, et crioient : « Saint « Jorge ! » Et depuis que les murs furent effondré et qu'il cuidoient avoir tout gaignet, eurent-il encores assés à faire; car il y avoit grandes kaines de fier à travers les rues , où les hommes de la ville et les bidaus se mirent et recouvrèrent. Et là eult grant bataille et forte durement ^t pluiseurs bieaus fais d'armes et moult de gens navrés d'un lés et d'aultre. Là fu ung chevalier de Haynau, messire Eustasse d'Aubrechicourt, très-bon chevalier entre les aultres. Che [fu] le premier qui sailly oultre une kaine, sa glave en son poing, entre les bidauls, et moult très-hardiement les assally. Assés tos après se lancha oultre ung aultre chevalier de Haynau, messire Jehan de Ghistelle, vaillant chevalier durement de grant voUenté , et adont compaignons ensamble. Chil doy chevaliers assallirent ces bidauls fièrement et y firent merveilles d'armes, car il estoient jovènes et amourous et moult hardis, et ossy de plus en plus leur venoient confort des bons chevaliers et escuiers qui se lanchoient oultre les kaines, et recullèrent ces bidauls et gaignèrent deus caines et puis trois et puis quatre et puis cinq et puis six , et firent tant qu'il en délivrèrent la plache, et furent toutes les kaines gaignies et les rues prisses. Là eult grant occision et grant mortalité d'ommes, et en prirent les Englès et les Gascons desquels qu'ils voiront, et furent tout maistre de la ville , et y conquirent grant avoir, et y séjourna le prinche do