DA^S LL LANGUEDOC
chitoyens de la ville s'armèrent et assamblèrent, et s'en vinrent tout d'un acord au castiel de Toulouse pour le prendre à forche et le conte d'Erminac qui dedens se tenoit, et y livrèrent moult grant assault. Le conte d'Erminac qui dedens estoit à privée maignie, entendy comment les hommes de la ville estoieut là venu pour luy prendf e à forche et ochire. Sy fut moult esbahis, et se fist hors mettre en une corbaille par une des fenestres sur les camps ens es fossés, et ung seul sien escuier avecq luy, et se sauva par celle manière, et tant asallirent chil de la chité le castiel qu'il l'enforchèrent et entrèrent dedens, et prirent les gens du conte d'Erminac et en ochirent douze , lesquels il volrent, entre lesquels il y eult quatre bons chevaliers du consail et du pais au dessusdit conte, qui adont n'en peult avoir aultre chose ; mais le dit conte depuis deffia chiaulx de Toulouse et les greva tellement qu'il furent tous joieulx que il luy porrent amender che meffait à se vollenté plainement.
Or nous tairons de ceste matère et parlerons dou roy Jehan de Franche et des grandes armées qu'il fist mettre sus en chelle année et comment il en chéy.
Vous avés bien oy chy-dessus comment le roy Jehan haioit [sy] couvertement le roy de Navarre, qu'il sambloit qu'il le fesist pour la cause de son connestable monsigneur Charles d'Espaigne. Sy avint assés tost après que ceste course fu faite du prinche de Galles ens ou pays de Langhedocq, que le roy de France fut mallement infourmé contre le roy de Navarre, et sceurent adont moult pau de gens dont che noviauls mal vcnoit, mais il fu trop grans et trop mervilleus , et moult cuusta puisedy au roialme de Franche, sycomme vous orés chy-après.
332 ARRESTATION DU UOl DE NAVARRE
Ung jour de quaresme environ Pasque-FIorie l'an mil IIIcLV, Charles, aisnés flls du roy de Franche, duc de Norinendie, estoit en son castel à Roem et donnoit à disner le roy Charlon de Navarre, le conte de Harcourt, le signeur de Graville et pluiseurs barons et chevaliers de Normendie. Le roy de Franche sy avoit bien sceut le semonse et le journée du disner et où il devoitestre. Sy se party secrètement de Paris environ à cent hommes d'armes et chevauça tant qu'il vint au chastiel de Roem sy à point que tous ces seigneurs séoient au disner en grand revel. Sy entra le dit roy en le porte du castiel, armés [et vestus] d'un jaque de noir velours, ly vingtième, et monta les degrés de la salle là où le disner se faisoit. Sy tos que le roy de Navare le vit entrer dedens, il dist : « Sire, venés boire, » et sy firent tous ly aultres et se levèrent tout contre sa venue, che fu bien raison. Amours, ne chière, nient, nient. [Adont dist ly roys] : « Seigneurs, ne vous mouvés, et ne soit nuls qui se « mueve sur le hart. » Tantost messire Ernouls d'Audrehem saça son espée hors du fourel et dist : « Or y parra, « qui se mouvra. » Et tantost après che mot , le roy Jehan se lancha au roy de Navare et le prist par le quevèche et le tira parmy le table moult vilainement et luy dist : « Certes, « mauvais traites , or vous convient morir. » Le duc de Normendie , son aisné fils, dist : « Ha ! chier sires, quel « es-che chou que vous voilés faire ? Jà savés-vous qu'il est « en ma corapaignie et en mon ostel ? » Le roy Jehan commanda qu'il se soufFresist, et fist mener moult rudement le roy de Navarre en une cambre , et fist prendre le conte de Harcourt et monsigneur Jehan de Graville et monsigneur Maubué et Colinet de Bleville , ung escuier qui trenchoit devant le roy de Navarre, et les fist tout quatre décoller, et prist encore ung moult vaillant chevalier qui estoit au roy de Navare, que on apelloit monsigneur Frichet de Fri-
ET SUPPLICE DU COMTE d'hARCOURT. 335
camps, mais cestui ne fîst-il point morir, et le fii?t amener au Chastelet à Paris. De ceste prise et de ceste justiche fu le roiahne de Franche de rechef encore moult esmervilliés et moult tourblës ; car nul ne savoit à dire à quelle cause, ne raison le roy l'avoit fait.
Ches nouvelles vinrent moult tost à monseigneur Phelippe de Navarre et à monsigneur Lois âon frère, qui se tenoient en le conté d'Evrues. Sy furent moult dollant, che fu bien raison ; car on avoit fait et faisoit au roy leur frère ung grant blâme et ung villain despit.
Ossy les nouvelles s'espardirent parmy le païs de Normendie et vinrent as amis de cheulx qui avoient esté justichiés et à monsigneur Godefroy de Harcourt qui se tenoit à Saint-Salveur-en-Constentin. Sy se quellèrent tantost ensamble et déifièrent le roy Jehan de Franche, et garnirent leur fortresses et commenchèrent à guerrier moult fort, à ardoir villes, à tuer gens et à faire moult de mesquief en Normendie. Or est ainsy que le conte de Harcourt qui décollés avoit esté, avoit ung sien frère germain que on apelloit monsigneur Loys de Harcourt, biel chevalier, lequel estoit adont chevalier et compains au duc de Normendie et ly uns des plus privés qu'il euist, Messire Godefroy de Harcourt son oncle l'en volloit retraire pour aidier à faire leur guerre contre le roy de Franche et contrevengier les despis que le roy Jehan leur avoit fait de son nepveu et dou frère messire Lois ; mais ledit messire Lois s'en escusoit et disoit que jà il ne gueriroit son naturel seigneur pour le mort de son frère. Dont messire Godefroy estoit si courouchiés et eult tel mautalent qu'il tenoit son cousin pour traiteur et mal consilliet, et ly manda bien que du sien, ne de son hiretaige il n'aroit jamais riens, et prist les enfans dudit
