LE ROI DE FRANCE

conte de Harcourt (trois jone fils demoret en estoient), et fist l'aisné chevauchier avec luy pour contrevengier la mort de son père.

Cheluy messire Godefroy de Harcourt fu moult hardis chevalier et coraigeus , et moult prendoit en cuer ung despit quant on luy faisoit. Sy ne veult mie chestui légièrement laissier passer, mais se prouvey de grant confort , et enorta messire Phelippe de Navarre que d'aller en Engleterre pour avoir l'alianche et l'amour du roy englès. Sy passèrent ces deux seigneur la mer, et vinrent en Engleterre et trouvèrent le roy englès à Windesore et madame la royne qui les rechurent moult honnourableraent, car bien le savoient faire. Quant chil seigneurs eurent esté avec le roy une espasse, il lui recommandèrent che que pour quoy il estoient venus , et se complaindirent des griefs et des despis que on avoit fait au roy de Navarre et à leurs amis. Sy s'en retraioient deviers le roy d'Engleterre pour estre plus fors, et, ou cas qu'il les voldroit aydier, il luy délivreroient villes et fortresches et passaiges en Normendie pour guerrier et pour entrer ou royalme de Franche.

A ces paroUes entendirent le roy et son consail vollentiers , et fu adont ordonné et acordé que le duc de Lencastre passeroit la mer à V hommes d'armes et XV" archiers, et s'en yroit en Normendie avecq les dessus dit seigneurs pour faire guerre au roy de Franche. A ches paroUes entendy [le roy], et fist faire ung mandement et délivra au duc de Lenclastre son cousin V" hommes d'armes et XV archiers, et là estoient avecques luy d'Engleterre le conte de la Marche, le conte de Pennebourc , messire Jehan le visconte de Biaumont , messire Gautier de Mauny , le sire de Moubray , le sire de Ros, le sire de Fil-Watier, messire Jehan Boursier, messire Jehan de Lanthone et pluiseurs