FAIT LA GUERRE AUX NAVARRAIS

aultres chevaliers et escuiers. Sy montèrent en mer et vinrent ariver en Normendie en Constentin sur le pooir de messire Godefroy de Harcourt. Sy commenchèrent à faire guerre et chevauchèrent bien avant en Normendie, et ardoieut villes et maisons, et firent moult forte guerre envers l'Asension l'an mil IIP LVI.

Quant le roy Jehan de Franche entendy que messire Phelippe de Navare et messire Godefroy de Harcourt et le duc de Lenclastre ardoient le pais environ Roem et Coustances, sy volt y prouveir et fist un très-grant mandement à estre au quinzième jour à Biauvais et que nuls ne s'escusast sur son honneur et sur à perdre ses terres et le royalme; car il volloit aller contre les Englès et les Navarois et yaulx combatre. Au commandement du roy ne volt nuls désobéir, et se party chascun de son ostel et le mieulx aparliet que il porent, et vinrent là où il estoient mandés. Meismement le roy de Franche s'en vint à Nantes, et grant foison de contes et de seigneurs, et envoia adont le roy de Navarre à Crieuvecuer delés Cambray pour estre mieulx gardés, que tout le tamps il avoit tenu en Castelet à Paris. Et ne séjourna gaires à Nantes, quant il se mist en cache contre les Navarois qui avoient jà passé Roem et estoient à Vernon , et avoient ars et destruit moult de bon païs en Normendie. Sy avoit adont plus de LX™ hommes à cheval , et estoit en grant vollenté, sycomme il disoit, de combatre ses ennemis.

Quant le duc de Lanclastre, messire Phelippe de Navarre et messire Godefroy de Harcourt entendirent ches nouvelles que le roy Jehan venoit sur yaulx à sy grant puissance, et il n'estoient mie, tous comptés, III"* hommes, sy se retrairent tout bellement et n'eurent point adont eu consail de eulx atendre. Le roy de Franche les pnursiévy par trois jours. Quant il vit que il ne les aroit