LE ROI DE FRANCE

point à sa voUenté, sy laissa la cache de yaulx et s'en vint devant Bretuel, un des bons castiaus du monde, qui ftstoit au roy de Navarre, en le conté d'Évrues, et l'aséga, et y fîst amener douze grans enghiens de Roen et les fist jeter devant la fortresche, et jettoient nuit et jour au castiel et moult le grevèrent ; mais chil qui dedens estoient, se tinrent comme vaillans gens.

Doudit castiel de Bretuel estoit souverain capitaine de par le roy de Navarre ung très-bon escuiers navarois qui s'apelloit Sanses Lopins. Chil deffendy et garda le fortresse contre les Franchois plus de douze sepmaines. En che terme après il y eult pluiseurs assauls et pluiseurs escarmuches et moult de biaus fais d'armes, et furent tout emplis les fossés d'environ le fortresse de bois et de tierre rés-à-rés de la terre. Dont il avint que le sire de Montignj en Ostrevant, qui s'apelloit messire Robert, (qui estoit biau chevalier, preu et hardis), entre luy et ung sien escuier tant seullement, aloit ung jour sur ces terres nouvellement remphes pour mieulx raviser la fortresche. Sy furent aperchut de cheaulx de dedens. Dont sallirent hors par une fause porterne cheulx Sanses Lopins environ luy septième, et vinrent sus le seigneur de Montigny et son escuier, et les escrièrent et férirent sur yaulx. Ly dov se mirent à defFense bien et hardiement et escarrauchèrent grant tamps de leurs espées contre yaulx, et s'en fussent bien ostet se il euyssent eu prochain secours ; mais point n'en eurent. Dont le sire de Montigny fut moult navrés, et par espécial il eult ung cop parmy le roielle du genoul , dont il en fu afollé tant qu'il vesqui , et là fu-il prins, et son escuier ochis, et fu ledit chevalier mené ou castiel prisonnier. Ces nouvelles vinrent en l'ost. Sy s'estourmy ly ost de tout costé, et s'armèrent et vinrent celle part , mais les Navarois estoient jà retrait et avoient enmené leur prisonnier en la forteresche.