FAIT LA GUERRE AUX NAVARUAIS

De le prise dudit chevalier fut le roy Jehan moult couroucliiés, et constraindy cheauls de Bretuel depuis moult durement, et les fist assallir moult radement ; car on povoit bien aller tout à piet jusques as murs. Là eult maint beau fait d'armes, et se combatirent et deffendirent moult vaillaument. Tant dura che grant siège que chil de Bretuel furent tant apressé etconstraint par les engiens qui làjettoient nuit et jour, que il se doubtèrent que de forche il ne fussent pris. Sy traitèrent devers le roy de Franche à délivrer ledit chastiel, saulf leur corps et leur biens, et le roy s'y acorda. Sy se partirent chil du castiel, et rendirent tous les prisonniers qu'il tenoient , et n'eurent autre chose de leur biens que che qu'il en povoient emporter devant yaulx sur leur chevaulx ; et ensy fut le chastiel de Bretuel pris, et rendirent le sire de Montigny qui maisement avoit esté poursongniés et médechinés de se blecheure en prison, dont il demora afollés d'une gambe tant qu'il vesqui.

Après la prise du fort castiel de Bretuel s'en vint le roy de Franche atout son ost devant Évrues, la souveraine chité du roy de Navarre en Normendie, et l'aséga de tous costé. Sy en estoit capitaine de par le roy de Navare ung chevalier moult hardit qui s'apelloit messire Jehan Carbenaux. A Évrues a ville, chité et castiel, et est chascun fremé à part ly. Là eult grant siège et pluiseurs assauls et tantmaint bieau fait d'armes fais, et y sist le roy grant tamps, anchois qu'il les eult à sa vollentè. Toutefois assés tost après che qu'il fu venus, ly bours d'Éwrues, par le traitiet des gens qui dedens estoient, se rendy. Adont se traist toute ly ost dedens la ville, et asségèrent le chité qui se tint ung grant tariips, mais finablement elle se rendy, saulf leur corps et leur biens (de cheaux de dedens). Adont fut asségiet le chastiel moult estroitement , et trop bien le garda et deffendy messire Carboniaux, et ossy messire Pierre de Sakenville, qui y sonrvint atout XL lanches.