ARMEMENTS DU PRINCE DE GALLES

Encores estoit le duc de Lenclastre, messire Phelippe de Navarre et messire Godefroy de Harcourt en Normandie, et guerrioient le païs vers Pontoise et devers Bretaigne, et y firent en che tamps moult de damaige. D'aultre part avoit une grant guerre sur le pais de Bretaigne et entre Auvergne et Limosin, qui se commença à monter, [et y avoit ung capitaine] que on apelloit Robert Canoile et qui guerrioit et rançonnoit durement le païs.

Or vous parlerons du princlie de Galles et de une grosse armée qu'il mist sus en celle saison et comment il en esploita.

Le prinche de Galles se tenoit à Bourdiaux et eult désir de chevauchier en Franche, et sy avant, che disoit, que de passer la rivière de Loire et venir en Normendie devers son cousin le duc de Lenclastre et raonsigneur Phelippe de Navarre pour aydier à reconquerre les castiaulx perdus que le roy Jehan avoit pris sur l'irtaige du roy de Navarre. Sur celle entente et en celle meisme saison que le roy de Franche avoit mis le siège devant Bretuel, environ le Saint- Jehan-Baptiste l'an mil IIP LVI, que les blés et les avaines sont meurs à camps et qu'il fait bon ostoyer pour hommes et pour chevaulx, se party ledit prinche de Bourdiaux à belle compaignie de gens d'armes, III" lanches de chevalières et d'escuiers de Gascongne et de Engleterre et IIII'" archiers et VI'" bidaus et brigans de piet. Or vous voeljou nommer la plus grant partie des signeurs qui en che voiaige furent, et premiers : d'Engleterre le conte de Wervich, le conte de Sallebry, le conte de Sufort, le conte d'Asque-Souffort, messire Renaus de Gobehem, messire Richart de Stanfort, messire Jehan Candos, messire Bertran de Bruch, le droit sire Despensier messire Kdouart,

I,F. ROI JKAN ASSEMBLE SO?^ ARMKE A CHARTRES. 359

messire Estienne de Gousenton , messire Guillame Fil- Warine, messire James et messire Pierres d'Audelée, le sire de le Ware, le sire de Willeby, le sire de Bercier , messire Thomas et messire Guillame de Felton, le sire de Brasentone ; et de cheulxtie Gascongne : le sire de Labret luy quatrième de frères, messire Ernault, messire Amenions et Hernaudet le maisné, le sire de Pumiers luy troisième de frères, messire Jehan, messire Hélies et messire Ammenions, le sire de Caumont, le sire de Lespare, messire Jehan de Grailly le capital de Beus, messire Aimery de Tharse, le sire de Muchident, le sire de Condon, le sire de Salich, messire Daniauls Pasele ; et deus chevaliers de Haynau , messire Eustasses d'Aubrechicourt et messire Jehan de Ghistelles, etpluiseurs aultres chevaliers et escuiers que je ne puis mie tous nommer. Et se partirent de Bourdiaus en grant arroy et en bonne conduite. Et estoient marisal de l'ost le conte de Wervich et le conte de Suffort, et avoient très-grant caroy et très-belles prouvéanches. Sy chevauchèrent chil signeurs et leur ost à petites journées à l'aise de leurs chevaulx, et s'esploitèrent tant qu'il entrèrent en Berry, oîi il trouvèrent bon païs et cras. Sy s'y arestèrent, et sy commenchèrent k faire moult de desroy.

Ces nouvelles vinrent au roy Jehan de Franche , qui se tenoit sur les marches de Normendie , après le reconquest des chastiaux du roy de Navarre, et encores [y] estoient la plus grant partie de gent d'armes qu'il avoit tenue celle saison sur les camps. Là ly fu dit comment le prinche de Galles esforchiement estoit entrés en son royalme et ardoit et exsilloit tous le pais devant luy. Sy desplaisoient grandement ces nouvelles au roy, et jura que il y prouveroit. Sy mist messaigiers en euvre et envoia tout par tmt